ሕታም መጽናዕቲ

የሱስ ካብ ሞት ከም ዝተንስአን ሎሚ ብህይወት ከም ዘሎን ርግጸኛታት ክንከውን እንኽእል ስለምንታይ ምዃንና ፍለጥ። ብዘይካዚ፡ እዛ ዓንቀጽ እዚኣ፡ የሱስ ናብ ዘይመውት ሰማያዊ ህይወት ምትንሳኡ፡ ንዓና ዀነ ነቲ ኸም ኣወጅቲ መንግስቲ ኣምላኽ መጠን እንፍጽሞ ንጥፈታት ብኸመይ ከም ዚጸልዎ ትገልጽ።

እዘን ብሰፊሑ ኣብ መጽሓፍ ዘሌዋውያን እተመርኰሳ ዓንቀጻት እዚአን፡ የሆዋ ንህዝቡ ቕዱሳት ኪዀኑ ዚጽበዮም ስለምንታይ ምዃኑን ብኸመይ ቅዱሳት ክንከውን ከም እንኽእልን ይገልጻ። ብዅሉ ኣካይዳና ቕዱሳት ክንከውን እንኽእለሉ መገድታት እውን ተሓቢሩ ኣሎ።

ገሊኦም ምሳና መጽናዕቲ መጽሓፍ ቅዱስ ዚገብሩ ሰባት፡ የሆዋ ኣብ ምድሪ ሓንቲ ውድብ ጥራይ ከም ዘላቶ ንዚገልጽ ሓሳብ ኪርድእዎ የጸግሞም እዩ። ኣባል ዝዀነት ትኹን ሃይማኖት ኩን ብዘየገድስ፡ ንኣምላኽ ከተሐጕሶ እንተ ደሊኻ፡ ቅንዕና ጥራይ ኣኻሊ ኸም ዝዀነ ገይሮም ይሓስቡ። እዘን ዓንቀጻት እዚአን፡ ንህዝቢ ኣምላኽ ምልላዮምን ምሳታቶም ኴንካ ንየሆዋ ምግልጋልን ኣገዳሲ ምዃኑ ይገልጻ።