ሕታም መጽናዕቲ

እዛ ዓንቀጽ እዚ፡ ገለ ኻብቲ ንሓያሎ ሰባት፡ ናይ የሆዋ መሰኻኽር ንሓቂ ኸም ዝረኸብዋ ዘእመኖም ምኽንያታት ትገልጽ። ብዘይካዚ፡ ናይ የሆዋ መሰኻኽር ንገዛእ ርእሶም፡ ንሓቂ ኸም ዝረኸብዋ ዘእመኖም እንታይ ምዃኑ ኽንምርምር ኢና።

ኣብዛ ናይ ሰይጣን ዓለም ንነብር ስለ ዘለና ጸበባ ኣይፍለየናን እዩ። ገሊኡ ፈተናታት፡ ኣብ እምነትና ዚወርድ ቀጥታዊ መጥቃዕቲ ኪኸውን ከሎ፡ ገሊኡ ኸኣ ሰላሕታዊ እዩ። እዛ ዓንቀጽ እዚኣ፡ ነቲ ሰይጣን ዚፍንዎ መጥቃዕትታት ንኸነለልዮን ኣቐዲምና ንኽንዳለወሉን ተዕጥቐና።

ወለዲ ንደቆም፡ “ብተግሳጽን ብምዕዶን የሆዋ” ኼዕብይዎም ይግባእ። (ኤፌ. 6:4) እዛ ዓንቀጽ እዚኣ፡ ወለዲ ነዚ ብኸመይ ኪገብርዎ ኸም ዚኽእሉን ነቶም ንኣሽቱ ደቆም ከም መንፈሳውያን ጓሶት ኰይኖም ብኸመይ ኬዕብይዎም ከም ዚኽእሉን ዚገልጽ ሰለስተ መገድታት ትሕብር።

ሞት ኣብ ሰባት ዝመጸ ብኸመይ እዩ፧ እዚ “ናይ መወዳእታ ጸላኢ” ዝዀነ ሞት ብኸመይ እዩ ‘ዚሰዓር፧’ (1 ቈረ. 15:26) መልሲ እዛ ሕቶ እዚኣ፡ ንፍትሕን ንጥበብን የሆዋ ብፍላይ ከኣ ንፍቕሩ ብኸመይ ከም ዜጕልሖ ንርአ።

የሆዋ ኻብ ቀደም ኣትሒዙ፡ ኣብዚ ስርዓት እዚ ጸገማት እናኣጋጠሞም ክነሱ፡ ኣብ ናይ ምሉእ ግዜ ኣገልግሎት ዚካፈሉ እሙናት ኣገልግልቲ ኣለውዎ። ‘ነቲ ብእምነት ዝገበርዎ ግብርን ብፍቕሪ ዝጸዓርዎ ጻዕርን ንኽንዝክሮ’ እንታይ ክንገብር ንኽእል፧—1 ተሰ. 1:3።