ሕታም መጽናዕቲ

እዛ ዓንቀጽ እዚኣ፡ የሆዋ ወትሩ ንጉስ ምዃኑ ተረጋግጸልና፣ ኣብ ሰማይን ኣብ ምድርን ንዘለዉ ፍጡራቱ ብኸመይ ንግስነቱ ኸም ዘርኣዮም እውን ትገልጽ። ብዘይካዚ፡ እቶም ነቲ ንጉስ ዘለኣለም ዝዀነ የሆዋ ኼምልኹ ዝመረጹ ጥንታውያን ሰባት ንዝገደፍዎ ኣብነት ክንስዕብ ተተባብዓና።

እዛ ዓንቀጽ እዚኣ፡ ብዛዕባ እቲ መሲሓዊት መንግስቲ ኣምላኽ ኣብ ዝሓለፈ 100 ዓመት ዝዓመመቶ ነገራት ዘሎና ግንዛበ ተስፍሓልና። ብዘይካዚ፡ ነፍሲ ወከፍና እሙናት ተገዛእቲ መንግስቲ ኣምላኽ ንኽንከውን ተተባብዓና። ብዛዕባ ጥቕሲ ዓመት 2014 ንኸነስተንትን እውን ትድርኸና።

‘ንህይወተይ ኣብ ምንታይ መዓላ እየ ኸውዕላ፧’ ርእሱ ንየሆዋ ዝወፈየ ነፍሲ ወከፍ ሰብ ከምኡ ኢሉ ኺሓትት ኣገዳሲ እዩ። ኣብዘን ዓንቀጻት እዚአን፡ መንእሰያት ንኣምላኽ ምሉእ ብምሉእ ንኼገልግልዎ ብዛዕባ ኺመርሖም ዚኽእል መሰረታዊ ስርዓታትን ብዕድመ ዝደፍኡ ክርስትያናት ኣገልግሎቶም ንኼስፍሑ ብዛዕባ ዘለዎም ኣጋጣሚታትን ክንምርምር ኢና።

ሎሚ፡ ኣቓልቦ ብዙሓት ሰባት ብዅነታት ዓለም ወይ ብዜገድሶም ነገራት ተሰሪቑ ኣሎ። እዛ ዓንቀጽ እዚኣ፡ መንግስቲ ኣምላኽ ድሕሪ ቐረባ ግዜ ነዚ እኩይ ስርዓት እዚ ኸተጥፍኦ ምዃና ንዘሎና ምትእምማን ኬደልድለልና ዚኽእል ሰለስተ መርትዖታት ተቕርብ።