ሕታም መጽናዕቲ

ንዜተሓታት ሓሳባትን ግምታትን ከም ሓቂ ጌርና ኽንቅበሎ የብልናን። ኣብ ቀዳማይን ካልኣይን ተሰሎንቄ፡ ንዓና ዚኸውን እዋናዊ መጠንቀቕታት ንረክብ ኢና።

ንረብሓታት መንግስቲ ኣምላኽ ንምድንፋዕ፡ ጥቕሚ ርእስኻ ምስዋእ የድሊ። ኣብዛ ዓንቀጽ እዚኣ፡ ካብቲ ኣብ ጥንታዊት እስራኤል ዚቐርብ ዝነበረ መስዋእትታት ክንመሃር ኢና። ሎሚ እውን ንመንግስቲ ኣምላኽ ንምድጋፍ መስዋእቲ ዚገብሩ ሓያሎ ሰባት ከም ዘለዉ ኽንርኢ ኢና።

ዓመት ዓመት ዳርጋ ኣብ ሓደ ግዜ፡ ኣይሁድ ፋስጋ ኼብዕሉ ኸለዉ፡ ናይ ሓቂ ክርስትያናት ከኣ ዝኽሪ ሞት ክርስቶስ የብዕሉ እዮም። ብዛዕባ ፋስጋ ኽንፈልጥ ዘሎና ስለምንታይ ኢና፧ ድራር ጐይታ መዓስ ከም ዚብዓል ብኸመይ ንፈልጥ፧ ንዅልናኸ እንታይ ትርጕም እዩ ኼመሓላልፈልናን ዘለዎ፧