ሕታም መጽናዕቲ

ሓደ ዘይርአ ኣምላኽ ዚርአ ዩኒቨርስ ፈጠረ። ነዚ ብምሉእ ልብኻ ትኣምነሉዶ፧ ነዚ ዚኣምኑሉ ዅሎም ሰባት ኣይኰኑን። ንሰባት ብዛዕባ ፈጣሪ እቲ ሓቂ ንኺፈልጡ ብኸመይ ክንሕግዞም ንኽእል፧ ነታ ኣብ ፈጣሪ ዘላትና እምነትከ ብኸመይ ከነደልድላ ንኽእል፧ መልሱ ኣብዛ ዓንቀጽ እዚኣ ኽትረኽቦ ኢኻ።

ክርስትያናት ንየሆዋ ንኺግዝእዎ ተማዒዶም እዮም። እዛ ዓንቀጽ እዚኣ፡ ኣብ ሕጊ ሙሴ ንባሮት እንታይ መሰናድዎ ኸም እተገብረሎም፡ ባሮት ሰይጣንን እዛ ብእኡ እትግዛእ ዓለምን ንኸይንኸውን ብኸመይ ክንጥንቀቕ ከም እንኽእል፡ ከምኡውን ከም ባሮት የሆዋ መጠን ብተኣማንነት ምግልጋልና እንታይ ዓስቢ ኸም ዘለዎ ትምህረና።

ንቓል ኣምላኽ ኣብ መመዓልቲ ነስተንትነሉ እንተ ዄንና፡ ጸሎትና ዕምቈት ይህልዎ። እታ ቐዳመይቲ ዓንቀጽ፡ እዚ ኣብቲ ሌዋውያን ምእንቲ ህዝቢ ኣምላኽ ዘቕረብዎ ጸሎት ብኸመይ ከም እተራእየ ትገልጽ። እታ ኻልአይቲ ዓንቀጽ ከኣ፡ ምስ ሓደ ኻብቲ የሱስ ዘቕረቦ ልባዊ ጸሎት ብኸመይ ተሰማሚዕና ኽንነብር ከም እንኽእል ትገልጽ። ክልቲኡ ጸሎት፡ ካብቲ ብብሕቲ ዜድልየና ነገራት ንላዕሊ፡ ነቲ ንየሆዋ ዜገድሶ ነገራት ከነቕድም ከም ዘሎና ኣብነት ይኸውን።