ሕታም መጽናዕቲ

የሆዋ ንህዝቡ ንምምራሕ ወትሩ መዘኻኸሪታት ይጥቀም እዩ። መዘኻኸሪታቱ እንታይ ዝሓቘፈ እዩ፧ እታ ቐዳመይቲ ዓንቀጽ፡ ስለምንታይ ብመዘኻኸሪታት ኣምላኽ ክንእመን ከም ዘሎና ትገልጽ። እታ ኻልአይቲ ኸኣ፡ ኣብ መዘኻኸሪታት የሆዋ ምሉእ ብምሉእ ንኽንእመን ኪሕግዘና ዚኽእል ሰለስተ መገድታት ተብርህ።

ኣተዓባብያናን ኣከባቢናን ኣብ ኣመለኻኽታና ዀነ ኣብ ምርጫታትና ብርቱዕ ጽልዋ ይገብረልና እዩ። ውሳነታትና ምስ ፍቓድ ኣምላኽ ዚሰማማዕ እንተ ዀይኑ ብኸመይ ከነረጋግጽ ንኽእል፧ ምስ ውሳነና ተሰማሚዕና ንኽንዓይዪ ኺሕግዘና ዚኽእልከ እንታይ እዩ፧ እዘን ዓንቀጻት እዚአን፡ ኣብዚ መዳያት እዚ ብቕንዕና ርእስና ኽንምርምር ይሕግዛና።

ዕዮ ፈላምነት ንሓደ ክርስትያን ነቲ ምስ የሆዋ ዘለዎ ርክብ ብሸሞንተ መገድታት ኬደልድለሉ ኸም ዚኽእል ክንምርምር ኢና። ፈላሚ እንተ ዄንካ፡ ጸገማት እናኣጋጠመካ ኽነሱ፡ ኣብዚ ዕዮ እዚ ንኽትቅጽል ኪሕግዘካ ዚኽእል እንታይ እዩ፧ ፈላሚ ኽትከውንን ክትባረኽን እንተ ደሊኻ፡ እንታይ ክትገብር ትኽእል፧