ሕታም መጽናዕቲ

ዓንቀጻት መጽናዕቲ

▪ “ግብሪ ወንጌላዊ ግበር”

ወንጌላዊ ኺብሃል ከሎ እንታይ ማለት እዩ፧ እዛ ዓንቀጽ እዚኣ፡ ነዛ ሕቶ እዚኣ ትምልሳ፡ ንሰባት ስለምንታይ ብስራት ከም ዜድልዮም ከኣ ትገልጽ። ብዘይካዚ፡ ነቲ እተዋህበና ግብሪ ወንጌላዊ ብኸመይ ብዓወት ክንፍጽሞ ኸም እንኽእል ተብርህ።

▪ ‘ንሰናይ ግብሪ ትቐንእ’ ዲኻ፧

እዛ ዓንቀጽ እዚኣ፡ ንሰባት ናብ ኣምላኽ ኪስሕቦም ዚኽእል፡ ‘ንሰናይ ግብሪ ኸም እንቐንእ’ እነርእየሉ ኽልተ መገዲ ኸም ዘሎ ትገልጽ። (ቲቶ. 2:14) ቀዳማይ ዕዮ ስብከትና፡ ካልኣይ ከኣ እቲ ንኣምላኽ ዜኽብር ጠባይና እዩ።

▪ ጽቡቕ ጌርካ ሓሳብ ንሓሳብ ብምልውዋጥ ንሓዳርካ ኣደልድሎ

▪ ኣቱም ወለድን ውሉዳትን፡ ብፍቕሪ ሓሳብ ንሓሳብ ተለዋወጡ

መጻምድቲ ኣብ ሓዳሮምን ኣብ ስድራ ቤቶምን ሓጐስ ምእንቲ ኼስተማቕሩ፡ ጽቡቕ ገይሮም ሓሳብ ንሓሳብ ኪለዋወጡ ኣለዎም። እታ ቐዳመይቲ ዓንቀጽ፡ ጽቡቕ ጌርና ሓሳብ ንሓሳብ ንኽንለዋወጥ ኪሕግዘና ዚኽእል ባህርያት ተጕልሕ። እታ ኻልአይቲ ዓንቀጽ ከኣ፡ ወለድን ውሉዳትን ሓሳብ ንሓሳብ ንኸይለዋወጡ ኺዓግቶም ዚኽእል ዕንቅፋታት ብኸመይ ኪሰግርዎ ኸም ዚኽእሉ ትገልጽ።

▪ ጥበባዊ ምርጫታት ብምግባር ንርስትኻ ሓልዎ

ንክርስትያናት እንታይ መንፈሳዊ ርስቲ እዩ ተነቢሩሎም ዘሎ፧ ካብ ኤሳው ብዛዕባ ርስትና እንታይ መለበሚ ኽንረክብ ንኽእል፧ ብዛዕባ ርስትና ጥበባዊ ምርጫታት ምእንቲ ኽንገብር፡ እንታይ ስጕምትታት ክንወስድ ኣሎና፧ እዚ ሕቶታት እዚ፡ ኣብዛ ዓንቀጽ እዚኣ ኺምለስ እዩ።