ዓንቀጻት መጽናዕቲ

ዓንቀጻት መጽናዕቲ

▪ ትባዕ—የሆዋ ምሳኻ እዩ!

ኣብ ቅዱሳት ጽሑፋት ተጠቒሶም ዘለዉ መብዛሕትኦም ሰባት፡ እምነትን ትብዓትን ኣርእዮም እዮም። ንተመክሮታቶም ምስ እንምርምሮ፡ እምነት ከነሐድርን ንየሆዋ ብትብዓት ከነገልግሎን ክንድረኽ ኢና። እዛ ዓንቀጽ እዚኣ፡ ንጥቕሲ ዓመት 2013 ተጕልሕ።

▪ ዝዀነ ይኹን ነገር ካብ የሆዋ ኼርሕቐካ ኣይትፍቀድ!

▪ ወትሩ ንየሆዋ ቕረቦ

ኣብ ህይወትና ብዘይ ምርጫና እንረኽቦ ሓያሎ ነገራት ኣሎ። ገለ ኻብኡ ወለድና፡ ኣሕዋትናን ኣሓትናን፡ ከምኡውን እተወለድናሉ ቦታ ኺጥቀስ ይከኣል። ምስ የሆዋ ዘሎና ዝምድና ግና ኻብዚ እተፈልየ እዩ። ንየሆዋ ንኽንቀርቦ ወይ ንኸይንቐርቦ ኽንመርጽ ንኽእል ኢና። ኣብዘን ዓንቀጻት እዚአን ካብ የሆዋ ኼርሕቐና ኽንፈቕደሉ ዘይብልና ሸውዓተ መዳያት ክንምርምር ኢና።

▪ ከይተጠዓስካ ንየሆዋ ምግልጋል

ኵላትና ዜጣዕሰና ነገራት ጌርና ኢና። ይኹን እምበር፡ ንኸምዚ ዝኣመሰለ ጣዕሳ ንየሆዋ ኣብ እንገብሮ ኣገልግሎት ዕንቅፋት ኪዀነና ኽንፈቕደሉ የብልናን። ኣብዛ ዓንቀጽ እዚኣ፡ ነቲ ሃዋርያ ጳውሎስ ዝገደፈልና ኣብነት ብምምርማር፡ ንየሆዋ ኸይተጠዓስና ወትሩ ኸነገልግለሉ እንኽእል መገድታት ክንመሃር ኢና።

▪ ክርስትያን ሽማግለታት—‘ምእንቲ ኽንሕጐስ ሓቢሮምና ዚዓይዩ’

ጳውሎስ ኣብታ ናብ ሰብ ቈረንቶስ ዝለኣኻ ኻልአይቲ መልእኽቱ፡ “ምእንቲ ኽትሕጐሱ ሓቢርና እንዓዪ ኢና” በለ። (2 ቈረ. 1:24) እዘን ጳውሎስ ዝጠቐሰን ቃላት ብፍላይ ንክርስትያን ሽማግለታት ጽልዋ ኼሕድራሎም ዚኽእላ ብኸመይ እየን፧ ነፍሲ ወከፍናኸ ኣብ ጉባኤ ሰላም ንኺሰፍን ብኸመይ እጃምና ኸነበርክት ንኽእል፧ መልሲ እዘን ሕቶታት እዚአን፡ ኣብዛ ዓንቀጽ እዚኣ ኽንመያየጠሉ ኢና።