ናይ ዓቃል ልቢ ጥቕምታት
ዘመናዊ ናይ ሕክምና ስነ-ፍልጠት: ካብ ቍጽጽር ወጻኢ ዝዀነ ሕርቃን ኣብ ሰብኣዊ ኣካል ጐዳኢ ሳዕቤን ከም ዘለዎ ነዊሕ ይገብር ኢዩ ፈሊጡ። ልዕሊ ሚእቲ ዓመታት ኣቢሉ ይገብር ዘ ጆርናል ኦቭ ዘ ኣመሪካን ሜዲካል ኣሶሴሽን (ጀይ.ኤ.ኤም.ኤ.) እትበሃል መጽሔት (እንግሊዝኛ) ከምዚ ኢላ ነበረት:- “ሓደ ሰብ ብናይ ሃንደበት ቍጠዐ ይመውት እሞ: ምናልባት ነቲ ናይ ኣእምሮ ወጥሪ ክጻወሮ ዘይክእል ድኹም ልቢ ነይርዎ ይበሃል ይኸውን። እዚ ግን: ናይቶም ነዚ ተባሂሉ ዘሎ ድኻም ልቢ ዘምጽኡ ተኸታተልቲ ሃንደበታዊ ነድርታት መወዳእታ ምዃኑ ዋላ ሓደ ዘስተውዕሎ ኣይመስልን።”
እዘን ኣብ ላዕሊ ዘለዋ ቃላት እዚኣተን ንተማሃሮ ናይ ቃል ኣምላኽ: መጽሓፍ ቅዱስ: ኣየገርምኦምን ኢየን። ጀይ.ኤ.ኤም.ኤ. ብዛዕባ ሓደጋታት ናይ ሕርቃን ቅድሚ ምዝራቡ ገለ 29 ክፍለ-ዘበናት ኣቢሉ ይገብር ንጉስ ሰሎሞን ብመንፈስ ቅዱስ ተመሪሑ “ዓቃል ልቢ ንስጋ ህይወቱ እዩ” ኢሉ ጸሓፈ። (ምሳሌ 14:30) እዘን ቃላት እዚኣተን ጌና ሎሚውን ሓቅነት ዘለወን ኢየን።
ከም ዝለዓለ ጸቒጢ ደም: ሕማም ርእሲ: ከምኡውን ናይ ምስትንፋስ ሽግራት ዝኣመሰሉ ምስ ጓሂ እተተሓሓዙ ሕማማት: መብዛሕትኡ ግዜ ዓቃላት ብምዃን ክርሕቁ ይኽእሉ ኢዮም። ይኹን እምበር: ‘ኵራ ክንገድፍ ሓርቖትውን ክንሓድግ’ እንተድኣ ጽዒርና ኣብ ርእሲ እቲ ዝሓሸ ጥዕና ምርካብና ምስ ካልኦት ዘሎና ርክብውን ክመሓየሽ ኢዩ። (መዝሙር 37:8) ሰባት ንየሱስ ብምኽንያት እቲ ዘርኣዮም ህድኣትን ልባዊ ተገዳስነትን ብቐሊሉ ይቐርብዎ ነበሩ። (ማርቆስ 6:31-34) ብተመሳሳሊ: ንሕናውን ዓቃል ልቢ እንተድኣ ኣዕቢና: ንኻልኦት ምንጪ ናይ ምሕዳስ ክንከውን ኢና።—ማቴዎስ 11:28-30