చెమటలు పట్టించిన 2023వ సంవత్సరం​—బైబిలు ఏం చెప్తుంది?

2023వ సంవత్సరంలో చాలా జరిగాయి! అవన్నీ బైబిలు చెప్తున్నట్టు మనం “చివరి రోజుల్లో” ఉన్నామని అనడానికి కాదనలేని రుజువులు. (2 తిమోతి 3:1) మన రోజుల్లో జరిగేవి బైబిలు ముందే కరెక్ట్‌గా చెప్పింది. అవేంటో చూడండి.

బైబిలు ఏం చెప్పింది, ప్రపంచంలో ఏం జరిగింది!

‘యుద్ధాలు, యుద్ధ వార్తలు.’—మత్తయి 24:6.

• “చాలా దేశాలు రక్తపాతంతో నిండిపోయాయి.”a

“ఒక ప్రాంతం తర్వాత ఇంకో ప్రాంతంలో భూకంపాలు.”—మార్కు 13:8.

• “2023 మొదలైనప్పటి నుండి ఇప్పటివరకు 7 కన్నా ఎక్కువ తీవ్రతతో 13 భూకంపాలు వచ్చాయి. ఇది చరిత్రనే తిరగరాసింది.”b

“భయంకరమైన దృశ్యాలు.”—లూకా 21:11.

• “భూమి వేడెక్కే శకం ముగిసింది; ఇప్పుడు భూమి కాలిపోయే శకం నడుస్తుంది.”​—ఆంటోనియో గుటేరస్‌, UN సెక్రెటరీ జనరల్‌.c

“ఆహారకొరతలు.”—మత్తయి 24:7.

• “2023వ సంవత్సరంలో, పిల్లల ఆకలి తీర్చలేక అల్లాడిపోయిన అమ్మానాన్నలు.”d

“ప్రమాదకరమైన, కష్టమైన కాలాలు.”—2 తిమోతి 3:1.

• “ఈ నేల మీద బ్రతికే ప్రతీ ఎనిమిది మందిలో ఒకరు మానసిక సమస్యతో బాధపడుతున్నారు.”e

2024వ సంవత్సరం ఏం దాచివుంచింది?

ఎవ్వరికీ తెలీదు! కానీ భూమ్మీద జరుగుతున్నవి చూస్తుంటే, దేవుని రాజ్యం లేదా పరలోక ప్రభుత్వం ఇప్పుడున్న ప్రభుత్వాల్ని తీసేసి, మన కన్నీళ్లను తుడవడానికి, కష్టాల్ని గట్టెక్కించడానికి ఇంకా ఎన్నో రోజులు లేవని అర్థమౌతుంది.—దానియేలు 2:44; ప్రకటన 21:4.

అప్పటివరకు మీకు కంగారుగా అనిపిస్తే దేవున్ని తలుచుకోండి. బైబిలు ఇలా చెప్తుంది:

“నాకు భయం వేసినప్పుడు, నేను నీ మీద నమ్మకం పెట్టుకుంటాను.”—కీర్తన 56:3.

దేవుని మీద నమ్మకం పెట్టుకున్నామని ఎలా చూపించవచ్చు? కష్టాలు కనుచూపుమేరలో కూడా కనిపించని భవిష్యత్తు గురించి బైబిలు ఏమని మాట ఇస్తుందో తెలుసుకోమని మిమ్మల్ని పిలుస్తున్నాం. ఉచితంగా పొందే బైబిలు స్టడీ కోర్సు ద్వారా బైబిలు మీకూ, మీ కుటుంబానికీ ఇచ్చే అభయాన్ని తెలుసుకుంటారు.