నిజమైన దేవుడు ఎవరు?

నిజమైన దేవుడు ఒక్కడే, ఆయన పేరు యెహోవా. (కీర్తన 83:18) ఆయన పరలోకంలో ఉంటాడు, ఆయన్ని మనం చూడలేం. ఆయన మనల్ని ప్రేమిస్తున్నాడు, మనం కూడా తనను ప్రేమించాలని కోరుకుంటున్నాడు. మనం ఇతరుల్ని కూడా ప్రేమించాలని ఆయన కోరుకుంటున్నాడు. (మత్తయి 22:35-40) ఆయన అందరికన్నా గొప్పవాడు, అన్నిటినీ సృష్టించాడు.

దేవుడు ముందుగా ఒక బలమైన దేవదూతను సృష్టించాడు, ఆయనే యేసుక్రీస్తు. యెహోవా వేరే దేవదూతల్ని కూడా సృష్టించాడు.

యెహోవా పరలోకంలో ఉన్న వాటన్నిటినీ . . . అలాగే భూమ్మీద ఉన్న వాటన్నిటినీ సృష్టించాడు. ప్రకటన 4:11

యెహోవా దేవుడు నక్షత్రాల్ని, భూమిని, భూమ్మీద ఉన్న ప్రతీదాన్ని సృష్టించాడు.—ఆదికాండం 1:1.

దేవుడు నేల మట్టితో మొదటి మనిషిని చేశాడు, అతని పేరు ఆదాము.—ఆదికాండం 2:7.