కొత్త విషయాలు నేర్చుకోవాలనే తపనతో చదవండి

అధ్యయనం మొదలుపెట్టేటప్పుడు మనం ఇలా ప్రశ్నించుకోవచ్చు, ‘నేను ఇప్పుడు ఏం నేర్చుకోబోతున్నాను?’ అయితే మనం ముందే అనుకున్న విషయాలు కాకుండా యెహోవా మనకు వేరే కొత్త విషయాల్ని కూడా నేర్పించడానికి ప్రయత్నిస్తుండవచ్చు. కాబట్టి ఫలానా విషయాల్నే నేర్చుకుంటామని ముందే ఒక ముగింపుకు రాకూడదు. మరి కొత్త విషయాలు నేర్చుకోవాలనే తపనతో చదవడానికి మనకు ఏం సహాయం చేస్తుంది?

తెలివి కోసం ప్రార్థించండి. మీరు ఇప్పుడు ఏం నేర్చుకోవాలని యెహోవా కోరుకుంటున్నాడో దాన్ని అర్థం చేసుకోవడానికి సహాయం చేయమని ప్రార్థించండి. (యాకో. 1:5) కేవలం మీ సొంత అవగాహన మీద ఆధారపడకండి.—సామె. 3:5, 6.

బైబిలుకున్న ప్రత్యేక శక్తి మీ జీవితంపై పనిచేసేలా అనుమతించండి. “దేవుని వాక్యం సజీవమైనది.” (హెబ్రీ. 4:12) బైబిలు చదివిన ప్రతీసారి మన జీవితానికి ఉపయోగపడే వేర్వేరు కొత్త విషయాలు నేర్చుకోవచ్చు. కానీ అలా నేర్చుకోవాలంటే దేవుడు నేర్పిస్తున్నవి మనకు అవసరమని గుర్తించాలి.

యెహోవా బల్ల మీదున్న ప్రతీదాన్ని విలువైనదిగా ఎంచండి. ఆయన ఇచ్చే ఆధ్యాత్మిక ఆహారం ‘శ్రేష్ఠమైన వంటకాల విందు’ లాంటిది. (యెష. 25:6) మీకు నచ్చదు అనిపించే వాటిని తీసుకోకుండా ఉండకండి. అలా మీరు అన్నిటిని ఆస్వాదిస్తే ప్రయోజనం పొందడం మాత్రమే కాదు, దేవుని వాక్యంలో ఉన్న ఆనందాన్ని కూడా రుచి చూస్తారు!