“ఎల్లప్పుడూ సంతోషంగా జీవించండి!” ఉపయోగించి యెహోవాపై, యేసుపై విశ్వాసాన్ని పెంపొందించండి

బైబిలు విద్యార్థులు బలమైన విశ్వాసం ఉంటేనే దేవున్ని సంతోషపెట్టగలుగుతారు. (హెబ్రీ 11:6) వాళ్లు బలమైన విశ్వాసాన్ని పెంపొందించుకోవాలంటే, మనం వాళ్ల హృదయాన్ని తాకేలా బోధించాలి. అలా బోధించడానికి ఎల్లప్పుడూ సంతోషంగా జీవించండి! పుస్తకం ఉపయోగపడుతుంది. ఈ పుస్తకంలో ముఖ్యమైన లేఖనాలు, స్పష్టమైన వివరణ, ఆలోచింపజేసే ప్రశ్నలు, ప్రోత్సహించే వీడియోలు, అందమైన చిత్రాలు ఉన్నాయి. క్రైస్తవ లక్షణాల్ని పెంచుకునేలా, దేవునికి స్నేహితులుగా ఉండేలా మన బైబిలు విద్యార్థులకు సహాయం చేస్తే వాళ్లు అగ్నిలాంటి పరీక్షల్ని కూడా తట్టుకుంటారు.—1కొ 3:12-15.

కంటికి కనిపించని దేవునితో స్నేహం చేయడమే కొంతమందికి కొత్తగా, అసాధ్యంగా అనిపిస్తుంది. అలాంటివాళ్లకు యెహోవా లక్షణాల గురించి చెప్తూ, ఆయనపై విశ్వాసాన్ని పెంచుకునేలా సహాయం చేయాలి.

“ఎల్లప్పుడూ సంతోషంగా జీవించండి!” ఉపయోగించి యెహోవాపై విశ్వాసాన్ని పెంపొందించండి! వీడియో చూడండి, తర్వాత ఈ ప్రశ్నలకు జవాబు చెప్పండి:

• సహోదరి స్టడీకి బాగా సిద్ధపడిందని మనం ఎలా చెప్పవచ్చు?

• యెషయా 41:10, 13 వచనాలపై విద్యార్థి అభిప్రాయాన్ని తెలుసుకోవడానికి ఆమె చిన్నచిన్న ప్రశ్నల్ని ఎలా చక్కగా ఉపయోగించింది?

• ఆమె చూపించిన వీడియో వల్ల, బైబిలు వచనాల వల్ల విద్యార్థి ఎలా ప్రయోజనం పొందింది?

చాలామందికి యేసు అర్పించిన బలి ఉద్దేశం ఏంటో తెలీదు. అది వాళ్లకు దేవుడు వ్యక్తిగతంగా ఇచ్చిన బహుమానమని అర్థం చేసుకోరు. (గల 2:20) అలాంటివాళ్లకు యేసు అర్పించిన బలిపై విశ్వాసం పెరిగేలా సహాయం చేయాలి.

“ఎల్లప్పుడూ సంతోషంగా జీవించండి!” ఉపయోగించి యేసుపై విశ్వాసాన్ని పెంపొందించండి! వీడియో చూడండి, తర్వాత ఈ ప్రశ్నలకు జవాబు చెప్పండి:

• సహోదరుడు స్టడీకి బాగా సిద్ధపడ్డాడని మనం ఎలా చెప్పవచ్చు?

• విద్యార్థికి సహాయం చేయడానికి “ఇవి కూడా చూడండి” భాగంలోని సమాచారాన్ని ఆయనెలా ఉపయోగించుకున్నాడు?

• విద్యార్థి కోసం ప్రార్థించడం ఎందుకు ముఖ్యం?