యెహోవాను నమ్మండి, మంచిని చేయండి

“దుష్కార్యములు చేయువారిని చూచి మత్సరపడకుము”

37:1,2

• చెడ్డవాళ్లు తాత్కాలికంగా అనుభవించే సంతోషాన్ని చూసి యెహోవా సేవ నుండి మీ దృష్టి మళ్లనివ్వకండి. ఆధ్యాత్మిక ఆశీర్వాదాలు, లక్ష్యాలపై మనసు పెట్టండి

“యెహోవాయందు నమ్మికయుంచి మేలుచేయుము”

37:3

• ఎలాంటి సందేహాలు, సమస్యలు వచ్చినా యెహోవా తోడుగా ఉంటాడని నమ్మండి. మీ విశ్వాసాన్ని కాపాడుకోవడానికి ఆయన సహాయం చేస్తాడు

• అవకాశం దొరికిన ప్రతీసారి దేవుని రాజ్య సువార్తను ప్రకటించండి

“యెహోవానుబట్టి సంతోషించుము”

37:4

• యెహోవాను ఇంకా బాగా తెలుసుకోవాలనే ఉద్దేశంతో దేవుని వాక్యాన్ని చదివి ధ్యానించేందుకు ప్రతి రోజు ఒక సమయాన్ని పెట్టుకోండి

“నీ మార్గమును యెహోవాకు అప్పగింపుము”

37:5, 6

• ఏ సమస్య వచ్చినా తట్టుకోవడానికి యెహోవా సహాయం చేస్తాడని పూర్తిగా నమ్మండి

• వ్యతిరేకత, శ్రమలు, అవమానాలు ఎదురౌతున్నా మంచితనం చూపిస్తూ ఉండండి

“యెహోవా యెదుట మౌనముగానుండి ఆయన కొరకు కనిపెట్టుకొనుము”

37:7-9

• తొందరపాటు పనులు చేసి యెహోవాతో మీ సంబంధాన్ని పాడు చేసుకోకండి, మీ సంతోషాన్ని కోల్పోకండి

“దీనులు భూమిని స్వతంత్రించుకొందురు”

37:10, 11

• సాత్వికంగా ఉండండి, మీరు అనుభవించే అన్యాయాన్ని యెహోవా తీసివేస్తాడని వినయంగా ఎదురు చూడండి

• దేవుడు వాగ్దానం చేసిన కొత్త లోకం చాలా దగ్గర్లో ఉంది. ఆ లోకం గురించి తోటి ఆరాధకులకు, బాధలో మునిగిపోయిన వాళ్లకు చెప్తూ ఓదార్చండి