మీరెప్పుడైనా ఆలోచించారా?

పేదరికం లేకుండా చేయవచ్చా?

కడు పేదరికం వల్ల కుపోషణతో, జబ్బులతో ప్రతీ సంవత్సరం లక్షలమంది చనిపోతున్నారు. ప్రపంచంలో కొన్ని ప్రాంతాలు వర్థిల్లుతూ ఉన్నా చాలామంది ఇంకా ఆకలితో అలమటిస్తూనే ఉన్నారు. సంవత్సరాలుగా పేదరికం సమస్యగా ఉందని బైబిలు చెబుతుంది.—యోహాను 12:8 చదవండి.

పేదరికం లేకుండా చేయాలంటే ప్రపంచవ్యాప్తంగా ఒకే ప్రభుత్వం ఉండాలి. ఆ ప్రభుత్వం ప్రపంచ వనరులన్నిటిని అందరికీ సమానంగా అందేలా చూడాలి, పేదరికానికి ముఖ్య కారణమైన యుద్ధాల్ని ఆపేయాలి. అలాంటి ప్రభుత్వాన్నే ఇస్తానని దేవుడు మాటిస్తున్నాడు.—దానియేలు 2:44 చదవండి.

పేదరికాన్ని ఎవరు తీసేస్తారు?

మనుషులను పరిపాలించడానికి దేవుడు తన కుమారుడైన యేసును నియమించాడు. (కీర్తన 2:4-8) యేసు పేదలను రక్షిస్తాడు. అణచివేత, హింసను తీసేస్తాడు.—కీర్తన 72:8, 12-14 చదవండి.

సమాధానకర్తయగు అధిపతి యేసే అని ఆయన గురించి బైబిల్లో ముందే ఉంది. ఆయన ప్రపంచమంతటా శాంతిభద్రతలను తీసుకువస్తాడు. ప్రజలందరికీ సొంత ఇల్లు, మంచి పని, కావాల్సినంత ఆహారం ఉంటుంది.—యెషయా 9:6, 7; 65:21-23 చదవండి. (w15-E 10/01)