యెహోవాయే ప్రేరేపించి రాయించిన గొప్ప గ్రంథం

1. ఎన్నో పేజీలు ఉన్న ఓ పుస్తకం,

తెస్తుంది శాంతి సంతోషాలను.

దానిలోని మాటలకున్న శక్తి,

జీవాన్నిస్తుంది మనందరికీ.

యెహోవా ప్రేరేపించి రాయించాడు,

బైబిలనే ఈ గొప్ప గ్రంథాన్ని.

దేవుణ్ణి ఎంతో ప్రేమించారు వాళ్లు,

పవిత్రశక్తితోనే రాశారు.

2. రాశారు వాళ్లు ఎన్నో సంగతులు:

దేవుడెలా విశ్వాన్ని చేశాడో;

పాపంలేని మొదటి మానవులు

పరదైసునెలా కోల్పోయారో;

దేవుని పరిపాలనా హక్కును

సాతానెలా సవాలు చేశాడో;

దానివల్ల వచ్చిన బాధలన్నీ

యెహోవా ఎలా తీసివేస్తాడో.

3. యెహోవా తాను అభిషేకించిన

రాజు ద్వారా ఏలుతున్నాడనే

మంచివార్త ప్రకటిద్దాం అంతటా,

పంచుకుందాం మన నిరీక్షణ.

సంతోషాన్నిచ్చే ఎన్నో సంగతులు,

ఉన్న పవిత్ర పుస్తకం ఇది.

ఆలోచనకు మించిన శాంతిని

ఇచ్చే ఈ గ్రంథం గొప్ప సంపద.