ప్రభువు రాత్రి భోజనం

1. మహోన్నతుడైన యెహోవా,

ఇదెంతో పవిత్ర రాత్రి.

ఎంతోకాలం క్రితం ఇదే రోజు రాత్రి

నిరూపించావు నీ శక్తి.

సంరక్షించావు నీ ప్రజల్ని,

పస్కా గొర్రెపిల్ల ద్వారా.

ఆ తర్వాత యేసు దాని స్థానంలోనే

అర్పించాడు మాకై ప్రాణాన్ని.

2. గుర్తు చేస్తాయి ఈ చిహ్నాలు,

నువ్వు చేసిన త్యాగాన్ని;

నీ కుమారుడైన యేసు చూపించిన

సంపూర్ణ విధేయతను.

కృతజ్ఞులమై ఉన్నాం మేము;

ధ్యానిస్తాము నీ ప్రేమను.

పాపమరణాల బానిసత్వం నుండి

విడిపించావు మా అందర్నీ.

3. నీ ఆహ్వానాన్ని అందుకుని,

స్తుతించ వచ్చాము నిన్ను.

క్రీస్తును పంపిన నీ గొప్ప ప్రేమను

సదా కొనియాడతాము.

గుర్తు చేసుకుంటాం ఎప్పుడూ

క్రీస్తు చేసిన త్యాగము.

నడుస్తాం ఆయన అడుగుజాడల్లో

పొందేలా నిత్య జీవితము.