యోవేలు

 2 “పెద్దలారా, ఇది వినండి,

దేశ* నివాసులారా, మీరంతా శ్రద్ధగా ఆలకించండి.

మీ రోజుల్లో గానీ, మీ పూర్వీకుల రోజుల్లో గానీ

ఇలాంటిది ఏదైనా జరిగిందా?+

 3 మీరు దీని గురించి మీ కుమారులకు చెప్పండి,

వాళ్లు వాళ్ల కుమారులకు చెప్పాలి,

వాళ్లు ఆ తర్వాతి తరానికి చెప్పాలి.

 4 నాశనకరమైన మిడతలు వదిలేసినదాన్ని మిడతల దండు తినేసింది;+

మిడతల దండు వదిలేసినదాన్ని రెక్కల్లేని మిడతలు తినేశాయి;

రెక్కల్లేని మిడతలు వదిలేసినదాన్ని తిండిబోతు మిడతలు తినేశాయి.+

ద్రాక్షారసం తాగేవాళ్లారా, మీరంతా గట్టిగా ఏడ్వండి.

ఎందుకంటే మీ నోటి దగ్గర నుండి తియ్యని ద్రాక్షారసం తీసేయబడింది.+

 7 అవి నా ద్రాక్షచెట్టును నాశనం చేశాయి, నా అంజూర చెట్టును మోడుగా మార్చాయి,

వాటి బెరడును ఒలిచి వాటిని విసిరిపారేశాయి,

దాంతో చెట్ల రెమ్మలు తెల్లబారాయి.

 8 గోనెపట్ట కట్టుకొని తన యౌవనకాల పెళ్లి కుమారుడి* కోసం

ఏడుస్తున్న కన్యలా* గట్టిగా ఏడ్వండి.

 9 యెహోవా మందిరంలో ధాన్యార్పణ,+ పానీయార్పణ+ ఆగిపోయాయి;

యెహోవాకు పరిచారం చేసే యాజకులు దుఃఖిస్తున్నారు.

10 పొలం నాశనం చేయబడింది, నేల విలపిస్తోంది;+

ఎందుకంటే ధాన్యం నాశనమైంది, కొత్త ద్రాక్షారసం ఇక లేదు, నూనె అయిపోయింది.+

11 రైతులు గోధుమల గురించి, బార్లీ గురించి దిగులుపడుతున్నారు,

ద్రాక్షతోట రైతులు ఏడుస్తున్నారు;

ఎందుకంటే పొలంలోని పంట నాశనమైంది.

12 ద్రాక్ష చెట్టు ఎండిపోయింది,

అంజూర చెట్టు వాడిపోయింది.

దానిమ్మ చెట్లు, ఖర్జూర చెట్లు, ఆపిల్‌ చెట్లు,

పొలంలోని చెట్లన్నీ ఎండిపోయాయి;+

ప్రజల సంతోషం అవమానంగా మారింది.

13 యాజకులారా, గోనెపట్ట కట్టుకుని దుఃఖించండి;*

బలిపీఠం దగ్గర పనిచేసే పరిచారకులారా,+ ఏడ్వండి.

నా దేవుని పరిచారకులారా, రండి, రాత్రంతా గోనెపట్ట కట్టుకొని ఉండండి;

ఎందుకంటే, మీ దేవుని మందిరంలో ధాన్యార్పణ,+ పానీయార్పణ+ ఆగిపోయాయి.

మీ దేవుడైన యెహోవా మందిరం దగ్గర సమావేశపర్చండి,+

సహాయం కోసం యెహోవాకు మొరపెట్టండి.

యెహోవా రోజు దగ్గర్లో ఉంది,+

అది సర్వశక్తుని దగ్గర నుండి నాశనంలా వస్తుంది!

16 మన కళ్లముందు నుండి ఆహారం,

మన దేవుని మందిరం నుండి ఆనందం, సంతోషం తీసేయబడ్డాయి.

19 యెహోవా, నీకే నేను మొరపెట్టుకుంటున్నాను;+

ఎందుకంటే, ఎడారిలోని* పచ్చికబయళ్లను అగ్ని దహించేసింది.

మంట పొలంలోని చెట్లన్నిటినీ కాల్చేసింది.

20 నీటి ప్రవాహాలు ఎండిపోవడం వల్ల,

ఎడారిలోని పచ్చికబయళ్లను అగ్ని కాల్చేయడం వల్ల

అడవి జంతువులు కూడా నీ వైపు చూస్తున్నాయి.”

దేశ* నివాసులందరూ వణకాలి,

ఎందుకంటే యెహోవా రోజు వస్తోంది!+ అది దగ్గర్లో ఉంది!

 2 అది చీకటి, అంధకారం కమ్ముకునే రోజు,+

మేఘాలు, కటిక చీకటి కమ్ముకునే రోజు.+

అది, ఉదయకాంతి కొండల మీద వ్యాపిస్తున్నట్టు ఉంటుంది.

విస్తారమైన, బలమైన ఒక మిడతల* దండు ఉంది;+

అలాంటిది ముందెప్పుడూ లేదు,

తరతరాలపాటు ఇంకెప్పుడూ అలాంటిది ఉండదు.

 3 వాటి ముందు అగ్ని దహించేస్తుంది,

వాటి వెనక మంట కాల్చేస్తుంది.+

వాటికి ముందున్న ప్రాంతం ఏదెను తోటలా ఉంది,+

కానీ వాటి వెనక నిర్మానుష్యమైన ఎడారి ఉంది,

ఏదీ తప్పించుకోలేదు.

 4 అవి గుర్రాల్లా కనిపిస్తున్నాయి,

యుద్ధ గుర్రాల్లా పరుగులు తీస్తున్నాయి.+

 5 అవి కొండల శిఖరాల పైన గంతులు వేస్తున్నప్పుడు ఆ ధ్వని+

రథాల ధ్వనిలా, కొయ్యకాలు* మంటలో కాలుతున్నప్పుడు వచ్చే చిటపట శబ్దంలా ఉంది.

 7 అవి యోధుల్లా దాడి చేస్తాయి,

సైనికుల్లా ప్రాకారాలు ఎక్కుతాయి,

ప్రతీది తన దారిలోనే వెళ్తుంది,

అవి తమ దారి నుండి పక్కకు మళ్లవు.

 8 అవి ఒకదాన్ని ఒకటి తోసుకోవు;

ప్రతీ ఒక్కటి తన దారిలో సాగిపోతుంది.

ఆయుధాల* వల్ల కొన్ని పడిపోయినా,

మిగతావి తమ వరుస నుండి పక్కకి వెళ్లవు.

సూర్యుడు, చంద్రుడు చీకటయ్యాయి,+

నక్షత్రాలు కాంతిని కోల్పోయాయి.

ఆయన మాట అమలు చేసే వ్యక్తి బలమైనవాడు;

ఎందుకంటే యెహోవా రోజు గొప్పది, అది సంభ్రమాశ్చర్యాలు పుట్టిస్తుంది.+

12 యెహోవా ఇలా ప్రకటిస్తున్నాడు: “⁠ఇప్పుడైనా సరే,

మీరు ఉపవాసం ఉండి,+ ఏడుస్తూ, విలపిస్తూ హృదయపూర్వకంగా నా దగ్గరికి తిరిగిరండి.+

13 మీ వస్త్రాల్ని కాదు+ మీ హృదయాల్ని చింపుకొని+

మీ దేవుడైన యెహోవా దగ్గరికి తిరిగిరండి.

ఎందుకంటే ఆయన కనికరం,* కరుణ, ఓర్పు,*+ అపారమైన విశ్వసనీయ ప్రేమ గలవాడు,+

విపత్తు గురించి ఆయన ఇంకోసారి ఆలోచిస్తాడు.*

14 ఆయన తన నిర్ణయం గురించి ఇంకోసారి ఆలోచిస్తాడేమో,*

తన నిర్ణయం మార్చుకుని,+ మిమ్మల్ని ఆశీర్వదిస్తాడేమో ఎవరికి తెలుసు?

అప్పుడు మీ దేవుడైన యెహోవాకు మీరు ధాన్యార్పణను, పానీయార్పణను అర్పించవచ్చు.

17 యెహోవాకు పరిచారం చేసే యాజకులు

వసారాకు, బలిపీఠానికి మధ్య+ నిలబడి ఏడుస్తూ ఇలా అనాలి:

‘యెహోవా, నీ ప్రజల విషయంలో జాలిపడు;

నీ స్వాస్థ్యాన్ని అవమానాలపాలు చేయకు,

వాళ్ల మీద ఇతర దేశాల్ని పరిపాలించనివ్వకు.

18 అప్పుడు యెహోవా తన దేశం కోసం ఎంతో ఆసక్తితో ఉంటాడు,

తన ప్రజల మీద కనికరం చూపిస్తాడు.+

‘ఇదిగో నేను మీకు ధాన్యాన్ని, కొత్త ద్రాక్షారసాన్ని, నూనెను ఇస్తున్నాను,

మీరు పూర్తిగా తృప్తి పొందుతారు;+

దేశాల మధ్య ఇక మిమ్మల్ని నిందలపాలు చేయను.+

20 నేను ఉత్తరం నుండి వచ్చే అతన్ని మీకు దూరంగా వెళ్లగొడతాను;

ఎండిపోయి, నిర్మానుష్యమైన నిర్జన ప్రాంతానికి అతన్ని చెదరగొడతాను.

అతని సైన్యం ముందు భాగాన్ని తూర్పు సముద్రం* వైపుకు,

వెనక భాగాన్ని పడమటి సముద్రం* వైపుకు చెదరగొడతాను.

అతని శవం కంపు కొడుతుంది,

ఆ దుర్వాసన పైకి లేస్తూ ఉంటుంది;+

ఎందుకంటే దేవుడు* గొప్ప కార్యాలు చేస్తాడు.’

22 పొలంలోని పశువులారా, భయపడకండి,

ఎడారిలోని పచ్చికబయళ్లు పచ్చగా అవుతాయి.+

చెట్లకు పండ్లు కాస్తాయి;+

అంజూర చెట్టు, ద్రాక్ష చెట్టు పూర్తి ఫలాన్ని ఇస్తాయి.+

23 సీయోను కుమారులారా, మీ దేవుడైన యెహోవాను బట్టి ఆనందించండి, సంతోషించండి;+

ఆయన మీకు తగినంత తొలకరి వానను,* వర్షాల్ని కురిపిస్తాడు.

ముందులాగే తొలకరి వానను, కడవరి వానను* పంపిస్తాడు.+

24 కళ్లాలు* ధాన్యంతో నిండిపోతాయి,

గానుగలు కొత్త ద్రాక్షారసంతో, నూనెతో పొంగిపొర్లుతాయి.+

25 నేను మీ మీదికి పంపిన నా గొప్ప సైన్యం,

అంటే మిడతల దండు, రెక్కల్లేని మిడతలు, తిండిబోతు మిడతలు, నాశనకరమైన మిడతలు

26 మీరు తప్పకుండా తృప్తిగా తింటారు,+

మీ తరఫున అద్భుత కార్యాలు చేసిన

మీ దేవుడైన యెహోవా పేరును స్తుతిస్తారు;+

నా ప్రజలు ఇంకెప్పుడూ అవమానానికి గురికారు.+

27 నేను ఇశ్రాయేలు మధ్య ఉన్నానని,+

నేను మీ దేవుడైన యెహోవానని,+ నేను తప్ప ఇంకే దేవుడూ లేడని మీరు తెలుసుకుంటారు!

28 ఆ తర్వాత, నేను నా పవిత్రశక్తిని అన్నిరకాల ప్రజల మీద కుమ్మరిస్తాను,+

మీ కుమారులు, కూతుళ్లు ప్రవచిస్తారు,

మీ వృద్ధులు కలలు కంటారు,

మీ యౌవనులు దర్శనాలు చూస్తారు.+

29 ఆ రోజుల్లో నేను నా దాసులు, దాసురాళ్ల మీద కూడా

నా పవిత్రశక్తిని కుమ్మరిస్తాను.

30 నేను ఆకాశంలో, భూమ్మీద అద్భుతాల్ని,*

అంటే రక్తాన్ని, అగ్నిని, పైకిలేచే దట్టమైన పొగను కలగజేస్తాను.+

31 సంభ్రమాశ్చర్యాలు పుట్టించే యెహోవా మహారోజు వచ్చేముందు+

సూర్యుడు చీకటి అవుతాడు, చంద్రుడు రక్తంలా మారతాడు.+

32 అప్పుడు యెహోవా పేరు ఉపయోగించి ప్రార్థించే ప్రతీ ఒక్కరు రక్షించబడతారు;+

ఎందుకంటే యెహోవా చెప్పినట్టు, సీయోను పర్వతం మీద, యెరూషలేములో తప్పించుకునేవాళ్లు ఉంటారు,+

3 “ఇదిగో! ఆ రోజుల్లో, ఆ సమయంలో

నేను యూదా, యెరూషలేము ప్రజల్ని చెరలో నుండి వెనక్కి తీసుకొచ్చినప్పుడు,+

 2 సమస్త దేశాల ప్రజల్ని కూడా పోగుచేస్తాను,

వాళ్లను యెహోషాపాతు* లోయలోకి తీసుకొస్తాను.

నా ప్రజల తరఫున, నా స్వాస్థ్యమైన ఇశ్రాయేలీయుల తరఫున

వాళ్లకు అక్కడ తీర్పు తీరుస్తాను,+

ఎందుకంటే, వాళ్లు నా ప్రజల్ని దేశదేశాలకు చెదరగొట్టారు,

నా దేశాన్ని పంచుకున్నారు.+

 3 నా ప్రజల కోసం వాళ్లు చీట్లు* వేసుకుంటారు;+

వేశ్యను తెచ్చుకోవడానికి పిల్లవాణ్ణి,

ద్రాక్షారసం కోసం అమ్మాయిని అమ్మేస్తారు.

 4 తూరూ, సీదోనూ, సమస్త ఫిలిష్తియ ప్రాంతాల్లారా, నాతో మీకేంటి?

మీరు ఏ విషయంలోనైనా నా మీద పగ తీర్చుకుంటున్నారా?

 5 ఎందుకంటే మీరు నా వెండిని, బంగారాన్ని పట్టుకెళ్లారు,+

నా శ్రేష్ఠమైన సంపదల్ని మీ గుళ్లలో పెట్టుకున్నారు;

 6 యూదా, యెరూషలేము ప్రజల్ని గ్రీకువాళ్లకు అమ్మేశారు,+

అలా మీరు వాళ్ల ప్రాంతం నుండి వాళ్లను దూరంగా పంపించేశారు;

 7 మీరు ఎక్కడైతే వాళ్లను అమ్మేశారో అక్కడి నుండి నేను వాళ్లను తీసుకొస్తాను,+

మీరు చేసినదాన్ని మీ తలల మీదికి రప్పిస్తాను.

 8 మీ కుమారుల్ని, కూతుళ్లను యూదా ప్రజలకు అమ్మేస్తాను,+

వాళ్లు దూరంలో ఉన్న షెబావాళ్లకు వాళ్లను అమ్మేస్తారు;

యెహోవాయే స్వయంగా ఈ మాట చెప్పాడు.

12 “దేశాలు లేచి యెహోషాపాతు లోయలోకి రావాలి;

ఎందుకంటే, చుట్టుపక్కల దేశాలన్నిటికీ తీర్పు తీర్చడానికి నేను అక్కడ కూర్చుంటాను.+

14 తీర్పు లోయలో ప్రజలు గుంపులుగుంపులుగా ఉన్నారు,

ఎందుకంటే తీర్పు లోయలో యెహోవా రోజు దగ్గరపడింది.+

15 సూర్యుడు, చంద్రుడు చీకటైపోతాయి,

నక్షత్రాలు కాంతిని కోల్పోతాయి.

16 యెహోవా సీయోనులో నుండి గర్జిస్తాడు,

యెరూషలేములో నుండి పెద్ద స్వరంతో మాట్లాడతాడు.

ఆకాశం, భూమి దద్దరిల్లుతాయి;

కానీ యెహోవా తన ప్రజలకు ఆశ్రయంగా ఉంటాడు,+

ఇశ్రాయేలు ప్రజలకు కోటగా ఉంటాడు.

యెరూషలేము పవిత్ర స్థలమౌతుంది,+

అపరిచితులు* ఇంకెప్పుడూ దాని గుండా వెళ్లరు.+

18 ఆ రోజు పర్వతాల మీద నుండి తియ్యని ద్రాక్షారసం కారుతుంది,+

కొండల నుండి పాలు ప్రవహిస్తాయి,

యూదా వాగులన్నిట్లో నీళ్లు పారతాయి.

యెహోవా మందిరం నుండి ఒక ఊట ఉబికి పారుతుంది,+

అది తుమ్మచెట్ల లోయకు* నీళ్లిస్తుంది.

19 అయితే ఐగుప్తు* నిర్మానుష్యమౌతుంది,

ఎదోము నిర్జనమైన ఎడారిగా మారుతుంది,+

ఎందుకంటే వాళ్లు యూదా ప్రజలపై దౌర్జన్యం చేశారు,

ఆ దేశంలో అమాయకుల రక్తం చిందించారు.+

20 యూదాలో మాత్రం ఎప్పటికీ నివాసులు ఉంటారు,

యెరూషలేములో తరతరాలపాటు ప్రజలు నివసిస్తారు.+

21 వాళ్ల మీద అంతకుముందు ఉన్న రక్తాపరాధాన్ని నేను తీసేస్తాను;+

సీయోనులో యెహోవా నివసిస్తాడు.”+