హోషేయ

 2 మీ తల్లిని నిందించండి; ఆమెను నిందించండి,

ఎందుకంటే ఆమె నా భార్య కాదు!+ నేను ఆమె భర్తను కాదు!

ఆమె తన వ్యభిచారాన్ని* విడిచిపెట్టాలి,

తన రొమ్ముల మధ్య నుండి వ్యభిచారాన్ని తొలగించాలి.

 3 లేదంటే నేను ఆమె బట్టలు తీసేసి, ఆమె పుట్టినప్పుడు ఎలా ఉందో అలా చేస్తాను,

ఆమెను ఎడారిలా* చేస్తాను,

నీళ్లు లేని ప్రదేశంగా మారుస్తాను,

దాహంతో ఆమె చనిపోయేలా చేస్తాను.

 4 నేను ఆమె కుమారుల్ని కరుణించను,

ఎందుకంటే వాళ్లు వ్యభిచారం* వల్ల పుట్టిన కుమారులు.

వాళ్లను కడుపున మోసిన ఆమె అవమానకరంగా ప్రవర్తించింది.+ ఆమె ఇలా అనుకుంది:

‘నేను నా ప్రియుల వెంట వెళ్తాను,+

వాళ్లు నాకు ఆహారాన్ని, నీళ్లను,

ఉన్నివస్త్రాన్ని, నారవస్త్రాన్ని, నూనెను, ద్రాక్షారసాన్ని ఇస్తారు.’

 6 కాబట్టి నేను నీ దారికి అడ్డంగా ముళ్లకంచె వేస్తాను;

ఆమె తన దారుల్ని కనుక్కోకుండా

ఆమెకు అడ్డంగా ఒక రాతి గోడ కడతాను.

 7 ఆమె తన ప్రియుల వెనక పరుగులు తీస్తుంది, కానీ వాళ్లను కలుసుకోలేదు;+

ఆమె వాళ్ల కోసం చూస్తుంది, కానీ వాళ్లను కనుక్కోలేదు.

అప్పుడు ఆమె ఇలా అనుకుంటుంది, ‘నేను నా మొదటి భర్త దగ్గరికి తిరిగెళ్తాను,+

ఇప్పటికన్నా అప్పుడే నా పరిస్థితి బాగుండేది.’+

 8 ఆమెకు ధాన్యాన్ని, కొత్త ద్రాక్షారసాన్ని, నూనెను,

విస్తారమైన వెండిని, బంగారాన్ని ఇచ్చింది నేనే అని ఆమె గుర్తించలేదు,+

వాటిని ఆమె* బయలు కోసం ఉపయోగించింది.+

 9 ‘కాబట్టి, ఇప్పుడు నేను తిరిగొచ్చి

కోత సమయంలో నా ధాన్యాన్ని, సమకూర్చే కాలంలో నా కొత్త ద్రాక్షారసాన్ని తీసేసుకుంటాను.+

అలాగే ఆమె మానాన్ని కప్పే నా ఉన్నివస్త్రాన్ని, నా నారవస్త్రాన్ని లాగేసుకుంటాను.

10 నేను ఆమె ప్రియుల కళ్లముందు ఆమెను దిగంబరిని చేస్తాను,*

నా చేతిలో నుండి ఎవ్వరూ ఆమెను కాపాడలేరు.+

11 నేను ఆమె సంతోషమంతటికీ,

ఆమె పండుగలకు,+ ఆమె అమావాస్య రోజులకు, ఆమె విశ్రాంతి రోజులకు,* ఆమె ఉత్సవ కాలాలన్నిటికీ ముగింపు పలుకుతాను.

“ఇవి నా ప్రియులు నాకు ఇచ్చిన జీతం” అని అనుకుంది;

నేను వాటిని అడవిగా మారుస్తాను,

అడవి జంతువులు వాటిని మింగేస్తాయి.

13 ఆమె బయలు విగ్రహాలకు బలులు అర్పించిన రోజుల్ని బట్టి,+

ఉంగరాల్ని, ఆభరణాల్ని పెట్టుకుని తన ప్రియుల వెంట పరుగులు తీసిన రోజుల్ని బట్టి నేను ఆమెను లెక్క అడుగుతాను,

ఆమె నన్ను మర్చిపోయింది’+ అని యెహోవా అంటున్నాడు.

14 ‘కాబట్టి, నేను ఆమెను ఒప్పించి

ఎడారిలోకి నడిపిస్తాను,

ఆమె హృదయాన్ని గెల్చుకునేలా మాట్లాడతాను.

15 అప్పటినుండి నేను ఆమె ద్రాక్షతోటల్ని ఆమెకు తిరిగిస్తాను,+

ఆకోరు లోయను+ నిరీక్షణకు ద్వారంగా చేస్తాను;

ఆమె యువతిగా ఉన్నప్పటిలా అక్కడ నాకు జవాబిస్తుంది,

ఐగుప్తు* నుండి వచ్చిన రోజున మాట్లాడినట్టు మాట్లాడుతుంది.+

16 ఆ రోజు నువ్వు నన్ను “నా భర్త” అని అంటావు,

ఇకమీదట నువ్వు నన్ను “నా యజమాని”* అని అనవు’ అని యెహోవా అంటున్నాడు.

17 ‘నేను ఆమె నోటి నుండి బయలు విగ్రహాల పేర్లు రాకుండా చేస్తాను,+

వాటి పేర్లను ఇక ఎవ్వరూ గుర్తు చేసుకోరు.+

18 ఆ రోజు నేను వాళ్ల కోసం అడవి జంతువులతో,

ఆకాశపక్షులతో, నేలమీద పాకే ప్రాణులతో+ ఒక ఒప్పందం* చేస్తాను;+

విల్లు, ఖడ్గం, యుద్ధం అనేవి దేశంలో లేకుండా చేస్తాను,+

వాళ్లు సురక్షితంగా పడుకునేలా* చేస్తాను.+

19 నువ్వు ఎప్పటికీ నా దానివి అయ్యేలా నేను నిన్ను ప్రధానం చేసుకుంటాను;

నీతితో, న్యాయంతో, విశ్వసనీయ ప్రేమతో, కరుణతో+

నేను నిన్ను ప్రధానం చేసుకుంటాను.

20 నమ్మకత్వంతో నేను నిన్ను ప్రధానం చేసుకుంటాను.

నువ్వు తప్పకుండా యెహోవాను తెలుసుకుంటావు.’+

21 యెహోవా ఇలా అంటున్నాడు: ‘ఆ రోజు నేను జవాబిస్తాను;

నేను ఆకాశానికి జవాబిస్తాను,

అది భూమికి జవాబిస్తుంది,+

22 భూమి ధాన్యానికి, కొత్త ద్రాక్షారసానికి, నూనెకు జవాబిస్తుంది;

అవి యెజ్రెయేలుకు* జవాబిస్తాయి.

23 నేను నా కోసం ఆమెను భూమిలో విత్తనంలా విత్తుతాను,+

కరుణించబడని* ఆమెను కరుణిస్తాను;

నా ప్రజలుకాని* వాళ్లతో, “మీరు నా ప్రజలు” అని అంటాను,+

4 ఇశ్రాయేలు ప్రజలారా, యెహోవా ఏం చెప్తున్నాడో వినండి,

దేశ నివాసుల మీద యెహోవాకు ఒక వ్యాజ్యం ఉంది,+

ఎందుకంటే దేశంలో సత్యం గానీ, విశ్వసనీయ ప్రేమ గానీ, దేవుని గురించిన జ్ఞానం గానీ లేవు.+

 2 అబద్ధ ప్రమాణాలు, అబద్ధాలు,+ హత్యలు,+

దొంగతనాలు, వ్యభిచారం+ దేశంలో పెచ్చుపెరిగిపోయాయి,

రక్తపాతం వెంట రక్తపాతం జరుగుతోంది.+

 3 అందుకే దేశం దుఃఖిస్తుంది,+

దానిలోని నివాసులందరూ కృశించిపోతారు;

అడవి జంతువులు, ఆకాశపక్షులు,

సముద్రంలోని చేపలు కూడా నశించిపోతాయి.

 4 “అయినా ఏ వ్యక్తీ ఎదురు వాదించకూడదు, గద్దించకూడదు,+

ఎందుకంటే, నీ ప్రజలు యాజకునితో వాదించే వాళ్లలా ఉన్నారు.+

 5 కాబట్టి మీరు రాత్రివేళ తడబడినట్టు పట్టపగలే తడబడతారు,

ప్రవక్త కూడా మీతోపాటు తడబడతాడు.

మీరు జ్ఞానాన్ని తిరస్కరించారు కాబట్టి,+

నాకు యాజకునిగా సేవ చేయకుండా నేను కూడా మిమ్మల్ని తిరస్కరిస్తాను;

మీ దేవుని ధర్మశాస్త్రాన్ని* మీరు మర్చిపోయారు కాబట్టి,+

నేను కూడా మీ కుమారుల్ని మర్చిపోతాను.

 8 వాళ్లు* నా ప్రజల పాపాల్ని ఆహారంగా చేసుకుంటున్నారు,

ప్రజలు ఇంకా ఇంకా తప్పులు చేయాలని వాళ్లు కోరుకుంటున్నారు.

 9 ప్రజల పరిస్థితి, యాజకుల పరిస్థితి ఒకేలా ఉంటుంది;

నేను వాళ్ల మార్గాల విషయంలో వాళ్లను లెక్క అడుగుతాను,

వాళ్ల పనుల పర్యవసానాల్ని వాళ్ల మీదికి తెస్తాను.+

విచ్చలవిడిగా అక్రమ సంబంధాలు పెట్టుకుంటారు,* కానీ వాళ్ల సంఖ్య పెరగదు,+

ఎందుకంటే వాళ్లు యెహోవాను ఏమాత్రం లెక్కచేయలేదు.

11 వ్యభిచారం,* ద్రాక్షారసం, కొత్త ద్రాక్షారసం

సరైనది చేయాలనే ప్రేరణను* అణచివేస్తాయి.+

12 నా ప్రజలు తమ చెక్క విగ్రహాల్ని సంప్రదిస్తారు,

తమ చేతి కర్ర* చెప్పింది చేస్తారు;

ఎందుకంటే, వ్యభిచార* మనసు వాళ్లను దారితప్పేలా చేస్తుంది,

తమ వ్యభిచారం* వల్ల వాళ్లు తమ దేవునికి లోబడడం లేదు.

13 పర్వత శిఖరాల మీద వాళ్లు బలులు అర్పిస్తారు,+

కొండల మీద తమ బలుల పొగ పైకిలేచేలా చేస్తారు,

సింధూర వృక్షాల కింద, చినారు వృక్షాల కింద, ప్రతీ మహా వృక్షం కింద బలులు అర్పిస్తారు.+

వాటి నీడ మంచిదని అలా చేస్తారు.

అందుకే, మీ కూతుళ్లు వేశ్యల్లా ప్రవర్తిస్తున్నారు,

మీ కోడళ్లు వ్యభిచారం చేస్తున్నారు.

14 వేశ్యల్లా ప్రవర్తిస్తున్నందుకు మీ కూతుళ్లను,

వ్యభిచారం చేస్తున్నందుకు మీ కోడళ్లను నేను లెక్క అడగను.

ఎందుకంటే, మగవాళ్లు వేశ్యలతో వెళ్తున్నారు,

ఆలయ వేశ్యలతో కలిసి బలులు అర్పిస్తున్నారు;

అవగాహన లేని అలాంటివాళ్లు+ నాశనమౌతారు.

15 ఇశ్రాయేలూ, నువ్వు వ్యభిచారం* చేస్తున్నా,+

యూదా మాత్రం నిర్దోషిగా ఉండాలి.+

గిల్గాలుకు+ గానీ, బేతావెనుకు+ గానీ రాకు,

‘యెహోవా జీవం తోడు!’ అని ప్రమాణం చేయకు.+

18 తమ మద్యం* అయిపోయినప్పుడు

వాళ్లు విచ్చలవిడిగా అక్రమ సంబంధాలు పెట్టుకుంటారు.*

19 గాలి తన రెక్కలతో దాన్ని చుట్టేస్తుంది,*

వాళ్లు తమ బలుల్ని బట్టి సిగ్గుపడతారు.”

5 “యాజకులారా,+ ఈ మాటలు వినండి,

ఇశ్రాయేలు ఇంటివాళ్లారా, ఆలకించండి,

రాజు ఇంటివాళ్లారా, వినండి,

ఎందుకంటే మీకు తీర్పు జరగబోతుంది;

మీరు మిస్పాకు ఉచ్చులా,

తాబోరు+ మీద పరిచిన వలలా ఉన్నారు.

 2 తిరుగుబాటుదారులు* వధించడంలో మునిగిపోయారు,

వాళ్లందర్నీ నేను హెచ్చరిస్తున్నాను.*

 3 ఎఫ్రాయిము నాకు తెలుసు,

ఇశ్రాయేలు నాకు కనిపిస్తూనే ఉంది.

ఎఫ్రాయిమూ, నువ్వు విచ్చలవిడిగా అక్రమ సంబంధాలు పెట్టుకున్నావు;*

ఇశ్రాయేలు తనను తాను మలినపర్చుకుంది.+

 4 వాళ్ల పనులు వాళ్లను దేవుని దగ్గరికి తిరిగి రానివ్వడం లేదు,

ఎందుకంటే వాళ్లది వ్యభిచార* మనసు;+

వాళ్లు యెహోవాను గుర్తించడం లేదు.

 5 ఇశ్రాయేలు గర్వం అతని మీద సాక్ష్యం చెప్పింది;+

ఇశ్రాయేలు, ఎఫ్రాయిము ఇద్దరూ తమ తప్పుల వల్ల తడబడ్డారు,

వాళ్లతోపాటు యూదా కూడా తడబడ్డాడు.+

 6 వాళ్లు తమ మందను, పశువుల్ని తీసుకొని యెహోవాను వెదకడానికి వెళ్లారు,

కానీ ఆయన వాళ్లకు కనిపించలేదు.

 7 వాళ్లు యెహోవాకు నమ్మకద్రోహం చేశారు,+

వాళ్లు అక్రమ సంతానానికి తండ్రులయ్యారు.

11 ఎఫ్రాయిము అణచివేయబడ్డాడు, తీర్పు వల్ల నలగ్గొట్టబడ్డాడు,

ఎందుకంటే అతను తన శత్రువు వెంట వెళ్లాలని తీర్మానించుకున్నాడు.+

12 కాబట్టి నేను ఎఫ్రాయిముకు చిమ్మెటలా,

యూదా ఇంటివాళ్లకు కుళ్లులా ఉన్నాను.

13 ఎఫ్రాయిము తన జబ్బును, యూదా తన పుండును చూసుకున్నప్పుడు,

ఎఫ్రాయిము అష్షూరుకు వెళ్లాడు,+ గొప్ప రాజు దగ్గరికి దూతల్ని పంపాడు.

కానీ అతను నిన్ను బాగుచేయలేకపోయాడు,

నీ పుండును నయం చేయలేకపోయాడు.

14 ఎందుకంటే, నేను ఎఫ్రాయిముకు కొదమ సింహంలా,

యూదా ఇంటివాళ్లకు బలమైన సింహంలా ఉంటాను.

స్వయంగా నేనే వాళ్లను ముక్కలుముక్కలుగా చీల్చేసి వెళ్లిపోతాను;+

నేనే వాళ్లను తీసుకెళ్లిపోతాను, వాళ్లను విడిపించేవాళ్లు ఎవ్వరూ ఉండరు.+

15 నేను నా చోటికి తిరిగెళ్లిపోతాను, వాళ్లు తమ దోషశిక్షను అనుభవించే వరకు అక్కడే ఉంటాను,

తర్వాత వాళ్లు నా అనుగ్రహం కోసం* చూస్తారు.+

6 “రండి, మనం యెహోవా దగ్గరికి తిరిగెళ్దాం,

ఆయన మనల్ని ముక్కలుముక్కలుగా చీల్చేశాడు,+ ఆయనే మనల్ని బాగుచేస్తాడు.

మూడో రోజున మనల్ని పైకి లేపుతాడు,

మనం ఆయన ముందు జీవిస్తాం.

సూర్యుడు ఉదయించడం ఎంత ఖచ్చితమో, ఆయన రావడం కూడా అంతే ఖచ్చితం;

కురిసే వర్షంలా, భూమిని తడిపే కడవరి వానలా*

ఆయన మన దగ్గరికి వస్తాడు.”

నీ విశ్వసనీయ ప్రేమ ఉదయకాల మేఘాల లాంటిది,

త్వరగా మాయమైపోయే మంచు బిందువుల లాంటిది.

 5 అందుకే, ప్రవక్తల ద్వారా నేను వాళ్లను నరికేస్తాను;+

నా నోటి మాటలతో వాళ్లను చంపేస్తాను.+

 6 ఎందుకంటే నేను విశ్వసనీయ ప్రేమను* ఇష్టపడతాను, బలుల్ని కాదు;

దేవుని గురించిన జ్ఞానాన్ని ఇష్టపడతాను, సంపూర్ణ దహనబలుల్ని కాదు.+

 8 గిలాదు దుష్టుల పట్టణం,+

రక్తసిక్తమైన పాదముద్రలతో అది నిండిపోయింది.+

షెకెము+ దగ్గరున్న దారిలో వాళ్లు హత్య చేస్తారు,

వాళ్లది అవమానకరమైన ప్రవర్తన.

అక్కడ ఎఫ్రాయిము వ్యభిచారం చేస్తోంది;+

ఇశ్రాయేలు తనను తాను మలినపర్చుకుంది.+

11 అయితే యూదా, నీ కోసం కోతకాలం నిర్ణయించబడింది,

బందీలుగా ఉన్న నా ప్రజల్ని నేను తిరిగి సమకూర్చినప్పుడు అది జరుగుతుంది.”+

7 “నేను ఇశ్రాయేలును బాగుచేసినప్పుడు,

ఎఫ్రాయిము దోషం,

సమరయ దుష్టత్వం+ కూడా వెల్లడౌతాయి.+

ఎందుకంటే, వాళ్లు మోసపూరితంగా ప్రవర్తిస్తున్నారు;+

దొంగలు లోపలికి చొరబడుతున్నారు, బయట దోపిడీ ముఠాలు దోచుకుంటున్నాయి.+

వాళ్ల చెడ్డపనులు వాళ్లను చుట్టుముట్టాయి;

అవి సరిగ్గా నా కళ్ల ముందే ఉన్నాయి.

 3 వాళ్లు తమ దుష్టత్వంతో రాజును,

మోసంతో అధిపతుల్ని సంతోషపెడుతున్నారు.

 4 వాళ్లంతా వ్యభిచారులు,

వంటవాడు అంటించిన పొయ్యిలా మండుతున్నారు;

పిండి పిసికి, ముద్ద పులిసే వరకు అతను ఆ మంటను రేపడు.

 5 మన రాజు ఉత్సవ రోజున అధిపతులు జబ్బుపడ్డారు,

ద్రాక్షారసం వల్ల వాళ్లు కోపంగా ఉన్నారు.+

వంటవాడు రాత్రంతా నిద్రపోతాడు;

ఉదయం పెద్దపెద్ద మంటలతో పొయ్యి మండుతుంది.

 7 వాళ్లంతా పొయ్యిలా వేడిగా ఉన్నారు,

వాళ్లు తమ పరిపాలకుల్ని* మింగేస్తారు.

వాళ్ల రాజులంతా పడిపోయారు;+

వాళ్లలో ఒక్కరు కూడా నాకు మొరపెట్టడం లేదు.+

10 ఇశ్రాయేలు గర్వం అతని మీద సాక్ష్యం చెప్పింది,+

ఇంత జరిగినా, వాళ్లు తమ దేవుడైన యెహోవా దగ్గరికి తిరిగి రాలేదు,+

ఆయన కోసం వెదకలేదు.

14 వాళ్లు తమ పరుపుల మీద పడుకుని ఏడుస్తూ ఉంటారు,

కానీ తమ హృదయాల్లో నాకు మొరపెట్టరు.+

వాళ్లు ధాన్యం కోసం, కొత్త ద్రాక్షారసం కోసం తమ శరీరాల్ని కోసుకుంటారు;

వాళ్లు నా మీద తిరుగుబాటు చేస్తున్నారు.

15 నేను వాళ్లకు క్రమశిక్షణ ఇచ్చినా, వాళ్ల బాహువుల్ని బలపర్చినా,

వాళ్లు చెడు చేయడానికి కుట్ర పన్నుతూ నాకు విరోధులుగా ఉన్నారు.

16 వాళ్లు తమ ప్రవర్తన మార్చుకున్నారు, కానీ ఉన్నతమైనదాని* వైపు తిరగలేదు;

వదులుగా ఉన్న విల్లులా వాళ్లు నమ్మదగినవాళ్లు కాదు.+

శత్రువు గద్దలా యెహోవా మందిరం మీదికి వస్తున్నాడు,+

ఎందుకంటే వాళ్లు నా ఒప్పందాన్ని మీరారు,+ నా ధర్మశాస్త్రానికి వ్యతిరేకంగా పాపం చేశారు.+

తమ వెండిబంగారాలతో విగ్రహాలు చేసుకున్నారు,+

దానివల్ల వాళ్లు నాశనమౌతారు.+

ఒక చేతిపనివాడు దాన్ని చేశాడు, అది దేవుడు కాదు;

సమరయలోని దూడ ముక్కలుముక్కలు చేయబడుతుంది.

 7 ఎందుకంటే వాళ్లు గాలిని విత్తుతున్నారు,

సుడిగాలిని కోస్తారు.+

ఏ దంటుకూ కంకులు రావు;+

మొలకెత్తినవి పిండిని ఇవ్వవు.

వాళ్లు ఎవరికీ ఇష్టంలేని పాత్రలా

దేశాల మధ్య ఉంటారు.+

10 వాళ్లను దేశాల మధ్య నుండి పిలిపించుకున్నా,

ఇప్పుడు నేను వాళ్లను సమకూరుస్తాను;

రాజు, అధిపతులు విధించిన భారాల వల్ల వాళ్లకు కష్టాలు మొదలౌతాయి.+

12 నేను అతని కోసం నా ధర్మశాస్త్రంలోని* చాలా విషయాల్ని రాశాను,

కానీ అవి వాళ్లకు వింతగా అనిపించాయి.+

13 వాళ్లు బలుల్ని నాకు కానుకగా అర్పిస్తారు, వాటి మాంసం తింటారు,

కానీ యెహోవా వాటిని ఏమాత్రం ఇష్టపడడు.+

14 ఇశ్రాయేలు తనను చేసిన వ్యక్తిని మర్చిపోయి,+ గుళ్లను కట్టించాడు;+

యూదా, ప్రాకారాలుగల ఎన్నో నగరాల్ని కట్టించాడు.+

కానీ నేను అతని నగరాల్లోకి అగ్నిని పంపిస్తాను,

అది ప్రతీ బురుజును దహించేస్తుంది.”+

9 “ఇశ్రాయేలూ, సంతోషించకు,

జనాల్లా ఆనందించకు.

 2 కానీ కళ్లం, ద్రాక్షతొట్టి వాళ్లను పోషించవు,

కొత్త ద్రాక్షారసం వాళ్లకు* ఉండదు.+

 3 వాళ్లు ఇక యెహోవా దేశంలో నివసించరు;+

బదులుగా ఎఫ్రాయిము ఐగుప్తుకు తిరిగెళ్లిపోతాడు,

వాళ్లు అష్షూరులో అపవిత్రమైన వాటిని తింటారు.+

 4 వాళ్లు ఇక ద్రాక్షారసంతో యెహోవాకు పానీయార్పణలు అర్పించరు;+

వాళ్ల బలుల్ని ఆయన ఇష్టపడడు.+

అవి దుఃఖపు రొట్టెల్లాంటివి.

వాటిని తినే వాళ్లందరూ అపవిత్రులౌతారు.

వాళ్ల రొట్టె వాళ్ల కోసమే;

అది యెహోవా మందిరంలోకి రాదు.

 5 సమావేశ* రోజున మీరేం చేస్తారు?

యెహోవా పండుగ రోజున మీరేం చేస్తారు?

వాళ్ల ప్రశస్తమైన వెండి వస్తువుల్ని దురదగొండి మొక్కలు ఆక్రమిస్తాయి,

వాళ్ల డేరాల్లో ముళ్లపొదలు పెరుగుతాయి.

 7 లెక్క అడిగే రోజులు వస్తాయి,+

ప్రతీకారం తీర్చుకునే రోజులు వస్తాయి,

ఇశ్రాయేలు దాన్ని తెలుసుకుంటుంది.

వాళ్ల ప్రవక్త బుద్ధిలేని వాడని, దేవుని సందేశం చెప్తున్నాను అనే వ్యక్తి పిచ్చివాడని తేలిపోతుంది;

నీ తప్పులు విస్తారంగా ఉన్నాయి కాబట్టి నీ పట్ల విరోధం కూడా ఎక్కువగా ఉంది.”

కానీ ఇప్పుడు అతని ప్రవక్తల+ మార్గాలన్నీ వేటగాడి ఉచ్చుల్లా ఉన్నాయి;

అతని దేవుని మందిరంలో విరోధం ఉంది.

కానీ వాళ్లు పెయోరులోని బయలు దగ్గరికి వెళ్లారు;+

అవమానకరమైన దానికి* తమను తాము సమర్పించుకున్నారు,+

తాము ప్రేమించిన వస్తువులా అసహ్యంగా తయారయ్యారు.

11 ఎఫ్రాయిము మహిమ పక్షిలా ఎగిరిపోతుంది;

వాళ్లు గర్భం ధరించరు, పిల్లల్ని కనరు.+

12 ఒకవేళ వాళ్లు పిల్లల్ని పెంచినా,

వాళ్లలో ఒక్కరు కూడా మిగలకుండా పోయేవరకు వాళ్లను నిర్మూలిస్తాను;+

అవును, నేను వాళ్లకు దూరంగా వెళ్లినప్పుడు వాళ్లకు శ్రమ!+

13 పచ్చిక మైదానంలో నాటబడిన ఎఫ్రాయిము, నాకు తూరులా కనిపించాడు;+

ఇప్పుడు ఎఫ్రాయిము వధ కోసం తన కుమారుల్ని బయటికి తీసుకురావాలి.”

14 యెహోవా, నువ్వు వాళ్లకు ఇవ్వాల్సింది వాళ్లకు ఇవ్వు;

వాళ్ల స్త్రీలకు గర్భస్రావం కలిగించు, వాళ్లను చనుపాలు లేనివాళ్లుగా చేయి.

నేను ఇక వాళ్లను ప్రేమించను;+

వాళ్ల అధిపతులందరూ మొండివాళ్లు.

17 నా దేవుడు వాళ్లను తిరస్కరిస్తాడు,

ఎందుకంటే, వాళ్లు ఆయన మాట వినలేదు,+

వాళ్లు దేశాల మధ్య దేశదిమ్మరులుగా తిరుగుతారు.+

అతని పండ్లు ఎక్కువయ్యే కొద్దీ, అతని బలిపీఠాలు కూడా ఎక్కువౌతున్నాయి;+

అతని నేల పంట ఎక్కువయ్యే కొద్దీ, అతని పూజా స్తంభాల వైభవం కూడా ఎక్కువౌతోంది.+

 2 వాళ్ల హృదయం కపటమైనది;

ఇప్పుడు వాళ్లు అపరాధులుగా ఎంచబడతారు.

 4 వాళ్లు వ్యర్థమైన మాటలు మాట్లాడతారు, అబద్ధ ప్రమాణాలు చేస్తారు,+ ఒప్పందాలు చేసుకుంటారు;

కాబట్టి వాళ్ల తీర్పులు, దున్నబడిన చేనులో మొలిచే విషపు మొక్కల్లా ఉన్నాయి.+

దాని ప్రజలు దాని గురించి దుఃఖిస్తారు,

దాన్ని, దాని వైభవాన్ని చూసి ఆనందించిన అన్యదేవుళ్ల పూజారులు కూడా వాళ్లతోపాటు దుఃఖిస్తారు,

ఎందుకంటే, అది వాళ్లకు దూరంగా చెరలోకి వెళ్తుంది.

ఎఫ్రాయిము అవమానాలపాలు అవుతుంది,

ఇశ్రాయేలు తాను పాటించిన సలహాను బట్టి సిగ్గుపడాల్సి వస్తుంది.+

 7 నీళ్ల మీద విరిగిపడి కొట్టుకుపోతున్న రెమ్మలా

సమరయ, దాని రాజు మాయమౌతారు.+

వాళ్ల రెండు తప్పుల్ని వాళ్ల మీద మోపినప్పుడు*

జనాలు వాళ్లకు వ్యతిరేకంగా సమకూడతారు.

11 ఎఫ్రాయిము శిక్షణ పొందిన పెయ్య, దానికి నూర్చడం ఇష్టం,

అందుకే, నేను దాని అందమైన మెడ మీద ఏ భారమూ మోపలేదు.

యెహోవాను వెదకడానికి సమయం ఉండగానే,+

సాగునేలను దున్నండి.+

అప్పుడు ఆయన వచ్చి మీకు నీతిని నేర్పిస్తాడు.+

13 కానీ మీరు దుష్టత్వాన్ని విత్తారు,

అవినీతిని కోశారు,+

వంచన ఫలాలు తిన్నారు;

ఎందుకంటే మీరు మీ సొంత దారిని,

అధిక సంఖ్యలో ఉన్న మీ యోధుల్ని నమ్ముకున్నారు.

14 నీ ప్రజల మీదికి అల్లరి చెలరేగుతుంది,

ప్రాకారాలుగల నీ నగరాలన్నీ నాశనమౌతాయి,+

అది షల్మాను బేతర్బేలును నాశనం చేసినప్పటిలా,

యుద్ధ రోజున తల్లుల్ని, పిల్లల్ని నేలకేసి కొట్టినప్పటిలా ఉంటుంది.

11 “ఇశ్రాయేలు బాలుడిగా ఉన్నప్పుడు నేను అతన్ని ప్రేమించాను,+

నా కుమారుణ్ణి ఐగుప్తులో నుండి పిలిచాను.+

 2 వాళ్లను పిలిచినకొద్దీ,*

వాళ్లు ఇంకా దూరంగా వెళ్లారు.+

బయలు విగ్రహాలకు,+ చెక్కిన విగ్రహాలకు

బలులు అర్పిస్తూ వచ్చారు.+

 3 ఎఫ్రాయిముకు నడక నేర్పింది నేనే;+ నేనే వాళ్లను నా చేతుల్లోకి తీసుకున్నాను;+

కానీ వాళ్లను బాగుచేసింది నేనే అని వాళ్లు గుర్తించలేదు.

 4 నేను మనుషుల తాళ్లతో,* ప్రేమ అనే తాళ్లతో వాళ్లను నడిపిస్తూ వచ్చాను,+

వాళ్ల మెడల మీద నుండి కాడిని తీసేశాను,

ఆప్యాయంగా ప్రతీ ఒక్కరికి భోజనం పెట్టాను.

 5 అతను ఐగుప్తు దేశానికి తిరిగెళ్లడు, అయితే అష్షూరు అతనికి రాజుగా ఉంటాడు,+

ఎందుకంటే, అతను నా దగ్గరికి తిరిగి రావడానికి ఒప్పుకోలేదు.+

 6 అతని నగరాల మీద ఖడ్గం తిరుగుతుంది,+

అది అతని ద్వారాల అడ్డగడియల్ని నాశనం చేస్తుంది, వాళ్ల కుట్రల్ని బట్టి వాళ్లను మింగేస్తుంది.+

నీ విషయంలో నా మనసు మారింది;

నీ మీద నాకు కనికరం కలిగింది.+

నేను మళ్లీ ఎఫ్రాయిమును నాశనం చేయను,+

ఎందుకంటే నేను మనిషిని కాదు దేవుణ్ణి,

మీ మధ్య ఉన్న పవిత్ర దేవుణ్ణి;

నేను కోపంతో మీ మీద విరుచుకుపడను.

10 వాళ్లు యెహోవాను అనుసరిస్తారు, ఆయన సింహంలా గర్జిస్తాడు;+

ఆయన గర్జించినప్పుడు, ఆయన పిల్లలు పడమటి నుండి వణుకుతూ వస్తారు.+

11 వాళ్లు పక్షిలా వణుకుతూ ఐగుప్తు నుండి బయటికి వస్తారు,

పావురంలా అష్షూరు దేశం నుండి బయటికి వస్తారు;+

నేను వాళ్లను తమ ఇళ్లలో స్థిరపడేలా చేస్తాను” అని యెహోవా అంటున్నాడు.+

12 “ఎఫ్రాయిము అబద్ధాలతో నన్ను చుట్టుముట్టాడు,

ఎక్కడ చూసినా ఇశ్రాయేలు ఇంటివాళ్ల మోసమే కనిపిస్తుంది.+

కానీ యూదా ఇంకా దేవునితోనే నడుస్తున్నాడు,

అతి పవిత్రుడైన దేవునికి నమ్మకంగా ఉన్నాడు.”+

 2 యెహోవాకు యూదా మీద ఒక వ్యాజ్యం ఉంది;+

యాకోబు మార్గాల్ని బట్టి ఆయన అతన్ని లెక్క అడుగుతాడు,

అతని పనుల్ని బట్టి అతనికి ప్రతిఫలం ఇస్తాడు.+

 3 గర్భంలో అతను తన సహోదరుని మడిమెను పట్టుకున్నాడు;+

తన బలమంతా ఉపయోగించి దేవునితో పోరాడాడు.+

ఆయన అతన్ని బేతేలు దగ్గర కనుగొన్నాడు, అక్కడ ఆయన మన గురించి* మాట్లాడాడు,+

 5 ఆయనే సైన్యాలకు దేవుడైన యెహోవా,+

యెహోవా అనేది ఆయన జ్ఞాపకార్థ పేరు.*+

 6 “కాబట్టి మీ దేవుని దగ్గరికి తిరిగిరండి,+

విశ్వసనీయ ప్రేమ చూపిస్తూ ఉండండి, న్యాయంగా ప్రవర్తిస్తూ ఉండండి,+

ఎల్లప్పుడూ మీ దేవుని మీద ఆశపెట్టుకోండి.

 7 కానీ వర్తకుని* చేతిలో దొంగత్రాసు ఉంది;

మోసం చేయడం అతనికి చాలా ఇష్టం.+

 8 ఎఫ్రాయిము ఇలా అంటూ ఉన్నాడు: ‘నిజంగా నేను ధనవంతుణ్ణి అయ్యాను;+

నాకు చాలా ఆస్తిపాస్తులు ఉన్నాయి.+

నియమిత కాలంలోని* రోజుల్లోలా

నిన్ను మళ్లీ డేరాల్లో నివసించేలా చేస్తాను.

10 నేను ప్రవక్తలతో మాట్లాడాను,+

వాళ్లకు ఎన్నో దర్శనాలు ఇచ్చాను,

ప్రవక్తల ద్వారా ఉదాహరణలు* చెప్పాను.

వాళ్లు గిల్గాలులో ఎద్దుల్ని బలి అర్పించారు,+

వాళ్ల బలిపీఠాలు, పొలం చాళ్లల్లో ఉన్న రాళ్లకుప్పల్లా ఉన్నాయి.+

12 యాకోబు అరాము* ప్రాంతానికి పారిపోయాడు;+

భార్య కోసం ఇశ్రాయేలు+ అక్కడ సేవచేశాడు,+

భార్య కోసం గొర్రెలు కాశాడు.+

13 ఒక ప్రవక్త ద్వారా యెహోవా ఇశ్రాయేలును ఐగుప్తు నుండి తీసుకొచ్చాడు,+

ఒక ప్రవక్త ద్వారా అతన్ని సంరక్షించాడు.+

14 ఎఫ్రాయిము ఘోరమైన తప్పు చేశాడు;+

అతని రక్తాపరాధం అతని మీద నిలిచివుంది;

అతను తన ప్రభువు మీదికి తెచ్చిన అవమానాన్ని బట్టి ఆయన అతనికి ప్రతీకారం చేస్తాడు.”+

13 “ఎఫ్రాయిము మాట్లాడినప్పుడు, ప్రజలు భయంతో వణికిపోయేవాళ్లు;

అతను ఇశ్రాయేలులో ప్రముఖుడు.+

 2 ఇప్పుడు వాళ్ల పాపాలు ఇంకా పెరిగిపోతున్నాయి.

వాళ్లు తమ వెండితో పోత* విగ్రహాలు చేసుకుంటున్నారు;+

చేతిపనివాళ్లు నైపుణ్యంగా విగ్రహాలు తయారు చేస్తున్నారు.

 3 కాబట్టి వాళ్లు ఉదయకాల మేఘాల్లా,

పొద్దున్నే త్వరగా మాయమైపోయే మంచు బిందువుల్లా,

కళ్లం దగ్గర గాలికి ఎగిరిపోయే ధాన్యపు పొట్టులా,

పొగ గొట్టం నుండి బయటికి పోయే పొగలా ఉంటారు.

 4 కానీ నేను యెహోవాను, ఐగుప్తు దేశంలో ఉన్నప్పటి నుండి* నీ దేవుణ్ణి;+

నేను తప్ప వేరే ఏ దేవుడూ నీకు తెలీదు,

నేను తప్ప వేరే రక్షకుడు లేడు.+

 6 వాళ్లు తమ పచ్చిక మైదానాలతో తృప్తిచెందారు,+

తృప్తిచెందాక వాళ్లకు పొగరెక్కింది.

 7 నేను వాళ్లకు కొదమ సింహంలా,+

దారిలో నక్కి ఉండే చిరుతపులిలా అవుతాను.

 8 పిల్లల్ని పోగొట్టుకున్న ఎలుగుబంటిలా నేను వాళ్ల మీద పడి,

వాళ్ల ఛాతిని చీల్చేస్తాను.

సింహంలా నేను అక్కడ వాళ్లను మింగేస్తాను;

అడవి మృగం వాళ్లను ముక్కలుముక్కలుగా చీల్చేస్తుంది.

 9 ఇశ్రాయేలూ, అది మిమ్మల్ని నాశనం చేస్తుంది,

ఎందుకంటే, మీకు అండగా ఉన్న నా మీదే మీరు తిరుగుబాటు చేశారు.

10 ‘మాకు రాజును, అధిపతుల్ని’ ఇవ్వు అని మీరు అడిగారు కదా.+

మీ నగరాలన్నిట్లో మిమ్మల్ని కాపాడే మీ రాజు ఎక్కడ?+

మీ పరిపాలకులు* ఎక్కడ?

11 నేను కోపంతో మీకు రాజును ఇచ్చాను,+

ఇప్పుడు మండే కోపంతో అతన్ని తీసేస్తాను.+

12 ఎఫ్రాయిము దోషం చుట్టబడింది;*

అతని పాపం నిల్వచేయబడింది.

కానీ అతను తెలివిలేని పిల్లవాడు;

పుట్టే సమయం వచ్చినప్పుడు అతను బయటికి రావాలనుకోడు.

14 సమాధి* బలం నుండి నేను వాళ్లను విడిపిస్తాను;

చావు నుండి వాళ్లను తప్పిస్తాను.+

15 ఒకవేళ అతను జమ్ముగడ్డి మధ్య వర్ధిల్లినా,

తూర్పు గాలి, అంటే యెహోవా గాలి వస్తుంది,

అది ఎడారి నుండి వచ్చి అతని బావిని ఎండిపోజేస్తుంది, అతని ఊటను ఇంకిపోజేస్తుంది.

వాళ్లు ఖడ్గం వల్ల చనిపోతారు,+

వాళ్ల పిల్లల్ని ముక్కలుముక్కలు చేస్తారు,

వాళ్ల గర్భిణీ స్త్రీల కడుపుల్ని చీల్చేస్తారు.”

14 “ఇశ్రాయేలూ, నీ దేవుడైన యెహోవా దగ్గరికి తిరిగి రా,+

ఎందుకంటే, నీ తప్పుల వల్ల నువ్వు తడబడ్డావు.

 2 ఈ మాటలతో యెహోవా దగ్గరికి తిరిగిరండి,

ఆయనతో ఇలా అనండి: ‘దయచేసి మా తప్పుల్ని మన్నించి,+ మా నుండి మంచిని స్వీకరించు,

అప్పుడు మేము కోడెదూడల్ని అర్పించినట్టు, మా పెదాల స్తుతిని* అర్పిస్తాం.+

మేము గుర్రాల మీద స్వారీ చేయం,+

మా చేతులతో చేసినదానితో, “మా దేవా!” అని ఇక అనం,

ఎందుకంటే, నీ వల్లే తండ్రిలేని పిల్లవాడికి కరుణ చూపించబడుతుంది.’+

నేను మనస్ఫూర్తిగా* వాళ్లను ప్రేమిస్తాను,+

ఎందుకంటే, నా కోపం వాళ్ల మీద నుండి పక్కకు మళ్లింది.+

 5 నేను ఇశ్రాయేలుకు మంచులా అవుతాను;

అతను లిల్లీ పువ్వులా వికసిస్తాడు,

లెబానోను చెట్లలా వేళ్లూనుకుంటాడు.

 6 అతని కొమ్మలు వ్యాపిస్తాయి,

అతని వైభవం ఒలీవ చెట్టు వైభవంలా ఉంటుంది,

అతని సువాసన లెబానోను సువాసనలా ఉంటుంది.

ఎందుకంటే, యెహోవా మార్గాలు సరైనవి,+

నీతిమంతులు వాటిలో నడుస్తారు;

దోషులేమో తడబడతారు.