Manaen tau uluk serbisu ba Jeová iha ninia moris

Manaen mak ema Kristaun ida neʼebé dirije kongregasaun Antiokia iha apóstolu sira-nia tempu. Nia “eskola hamutuk ho ukun-naʼin distritu nian naran Herodes”. (Após 13:1) Neʼe katak Manaen iha edukasaun boot no karik moris iha família neʼebé riku.

Maski nuneʼe, Manaen hili atu sai ema Kristaun ida no serbí iha kongregasaun. Nia la uza ninia edukasaun aas ka kolega sira neʼebé naran-boot atu buka diʼak ba ninia an, maibé nia serbí irmaun-irmán sira ho badinas.

Manaen nia ezemplu hatudu katak serbí Jeová mak importante liu fali buka rikusoin ka naran-boot. Ita mós presiza tau uluk atividade espirituál nian duké buka riku ka naran-boot iha mundu neʼe. (Mt 6:33) Maski ita hafolin edukasaun, ita hakarak “buka-hatene loloos buat sira neʼebé importante liu” no la husik atividade mundu nian hanetik ita-nia adorasaun ba Jeová.—Flp 1:​9, 10.