Avizu

◼ Livru neʼebé fahe iha fulan-Novembru no Dezembru: Livru Tuir Loloos, Saida mak Bíblia Hanorin?, ka tratu tuirmai neʼe: Ita fiar katak Bíblia husi Maromak ka lae?, Ita hanoin saida kona-ba futuru?, Oinsá mak moris família nian bele sai kontente liu?, Sé mak ukun mundu neʼe?, Terus hotu iha rohan ka lae?, ka Ema neʼebé mate ona bele moris filafali ka lae? Fulan-Janeiru no Fevereiru: Broxura Liafuan Diʼak Husi Maromak ka broxura sira hanesan Rona ba Maromak, Rona ba Maromak hodi Hetan Moris ba Nafatin ka Ema Mate nia Espíritu—Sira bele ajuda ita ka halo aat mai ita? Sira iha duni ka lae?

◼ Iha semana antes halaʼo reuniaun boot ba loron tolu, kongregasaun sira sei halo mudansa uitoan kona-ba programa ba Reuniaun Serbisu nian, atu bele koʼalia fali informasaun no matadalan kona-ba reuniaun boot neʼebé kongregasaun koʼalia tiha ona iha semana komesa 21 Abríl, no mós husi karta ba kongregasaun hotu ho data 3 Agostu 2013 kona-ba kuidadu ba buat neʼebé bele hamosu asidente iha reuniaun-fatin. Fulan ida ka rua liutiha reuniaun boot, kongregasaun bele uza parte “Kongregasaun nia presiza” atu koʼalia fali kona-ba informasaun husi reuniaun boot neʼebé haklaken-naʼin uza ona iha sira-nia serbisu haklaken.