Uza oportunidade hotu
1. Ema kristaun iha apóstolu sira-nia tempu uza oportunidade saida deʼit atu haklaken ba ema?
1 Ema kristaun iha apóstolu sira-nia tempu, ho laran-manas “la para” atu haklaken iha fatin hotu neʼebé sira hetan ema. (Apostolu 5:42, MF) Ita bele fiar katak kuandu sira haklaken uma ba uma, sira mós haklaken ba ema hotu neʼebé sira hasoru iha dalan. Sira mós haklaken iha dalan la formál kuandu sira sosa sasán iha merkadu. Hanesan Jesus, sira uza oportunidade hotu atu haklaken ba ema.—Marcos 6:31-34.
2. Naran Testemuña ba Jeová hatudu saida kona-ba ita?
2 Sempre prontu: Naran Testemuña ba Jeová laʼós deʼit kona-ba saida mak ita halo, maibé hatudu mós ita mak ema hanesan saida. (Isaías [Yesaya] 43:10-12) Neʼe katak ita sempre prontu atu fó sai ita-nia esperansa iha situasaun hotu. (1 Pedro 3:15) Ita hanoin didiʼak ka lae, kona-ba oinsá ita bele prontu hodi haklaken iha situasaun oioin? Ita sempre lori tratu ka livru ruma hodi bele fó ba ema neʼebé hatudu interese ka lae? (Provérbios [Amsal] 21:5) Ita haklaken uma ba uma deʼit, ka ita mós buka oportunidade atu haklaken iha situasaun oioin?
3. Tanbasá mak haklaken iha fatin públiku mós importante?
3 Haklaken iha fatin públiku: Apóstolu Paulo hatete katak nia haklaken “iha ema hotu nia oin” no husi uma ba uma. (Apostolu 20:20) Tan neʼe, diʼak atu ita mós haklaken iha fatin públiku, hanesan iha dalan, terminál bís, jardín, loja, no fatin seluk tan. Klaru katak haklaken uma ba uma mak nafatin dalan importante liu atu hasoru ema hodi koʼalia kona-ba Maromak nia mensajen. Maski nuneʼe, ema kristaun sira iha tempu uluk halo serbisu haklaken laʼós deʼit husi uma ba uma maibé mós ba ema hotu neʼebé sira hasoru iha fatin naran deʼit. Sira uza oportunidade hotu atu koʼalia lia-loos iha fatin públiku, iha dalan la formál, no husi uma ba uma. Mai ita hotu halo tuir sira-nia ezemplu hodi halaʼo didiʼak ita-nia serbisu haklaken.—2 Timoteo 4:5.