Avizu

◼ Livru neʼebé fahe iha fulan-Juñu: Tuir Loloos, Saida mak Bíblia Hanorin? Se uma-naʼin iha livru neʼe tiha ona, bele fó livru seluk iha lia-indonézia, ka lia-portugés. Fulan-Jullu no Agostu: Broxura naran deʼit neʼebé iha lia-tetun. Fulan-Setembru: Tuir Loloos, Saida mak Bíblia Hanorin? Hakaʼas an atu komesa kedas estudu Bíblia ho ema neʼebé ita hasoru ba dala primeiru. Uza minutu balu atu hatudu ezemplu kiʼik ida ba uma-naʼin kona-ba oinsá bele estuda Bíblia hodi uza livru neʼe no tansá ida-neʼe diʼak ba nia.

◼ Se Ita halo planu atu vizita rai neʼebé la tau iha relatóriu serbisu nian ba tinan neʼe, ka la tau rai neʼe nia diresaun iha Buku Tahunan nia kotuk, halo favór kontaktu uluk ita-nia sukursál atu hetan avizu no matadalan neʼebé karik Ita presiza atu halo tuir. Tanba karik serbisu haklaken iha rai neʼe bandu ka ladún livre. (Mt 10:16) Iha rai balu, karik ladún diʼak atu kontaktu irmaun sira ka kongregasaun. No karik sukursál bele fó matadalan kona-ba haklaken iha dalan la formál ka kona-ba lori livru sira. Hodi halo tuir matadalan neʼebé sukursál sei fó, ida-neʼe bele hamenus problema ba Ita no ba serbisu haklaken iha rai neʼebá.—1 Kor 14:33, 40.