ஊழல் செய்யும் தலைவர்கள்—கடவுளுடைய அரசாங்கம் என்ன செய்யும்?

நம்பகமான ஒருவர் ஆட்சிக்கு வந்தால் நன்றாக இருக்கும் என்று மக்கள் நினைக்கிறார்கள். ஏனென்றால் ஊழல் செய்கிற தலைவர்களைப் பார்த்து அவர்கள் நொந்துபோயிருக்கிறார்கள். உலகம் முழுதும் எடுக்கப்பட்ட ஒரு கணக்கெடுப்பு 2023-ல் வெளியிடப்பட்டது. அரசியல் தலைவர்கள்மேல் மக்களுக்கு நம்பிக்கையே இல்லை என்று அதில் சொல்லப்பட்டிருந்தது.a

ஊழல் செய்யாத... நம்பகமான... நேர்மையான... ஒரு தலைவர் ஆட்சி செய்யும் ஒரு அரசாங்கம் வரப்போவதாக பைபிள் சொல்கிறது. அதுதான் கடவுளுடைய அரசாங்கம். அதில் ஆட்சி செய்யப்போகும் தலைவர் இயேசு கிறிஸ்து.—ஏசாயா 9:7.

மக்கள்மேல் உண்மையான அக்கறை இருப்பதை இயேசு ஏற்கெனவே நிரூபித்துக் காட்டியிருக்கிறார். (மத்தேயு 9:35, 36) கடவுளுடைய அரசாங்கத்தின் ராஜாவாக இயேசு ஆட்சி செய்யும்போது, யாரெல்லாம் அவருடைய ஆட்சியை ஏற்றுக்கொள்கிறார்களோ, அவர்களுக்கு நியாயத்தையும் சமாதானத்தையும் கண்டிப்பாகத் தருவார்.—சங்கீதம் 72:12-14.