முடிவு வரப்போகும் இந்தச் சமயத்தில் உறுதியாக நில்லுங்கள்

ஏன் முக்கியம்: சீக்கிரத்தில் பயங்கரமான சம்பவங்கள் நடக்கப்போகின்றன. நம்முடைய தைரியத்துக்கும் யெகோவாமீது நாம் வைத்திருக்கும் நம்பிக்கைக்கும் அது ஒரு சோதனையாக இருக்கும். அப்படிப்பட்ட சோதனையை இதுவரை நாம் அனுபவித்திருக்கவே மாட்டோம். பொய் மதங்கள் அழிக்கப்பட்ட உடனே மிகுந்த உபத்திரவம் ஆரம்பிக்கும். (மத் 24:21; வெளி 17:16, 17) இதுபோன்ற பயங்கரமான விஷயங்கள் நடந்துகொண்டிருக்கும்போது நியாயத்தீர்ப்பு செய்தியை நாம் தைரியமாக அறிவித்துக்கொண்டு இருப்போம். (வெளி 16:21) பிறகு, மாகோகு தேசத்தின் கோகு நம்மைத் தாக்குவான். (எசே 38:10-12, 14-16) அப்போது யெகோவா தன்னுடைய மக்களைப் பாதுகாப்பார். அந்தச் சமயத்தில்தான் ‘சர்வவல்லமையுள்ள கடவுளின் மகா நாளில் நடக்கப்போகும் போர்’ ஆரம்பமாகும். (வெளி 16:14, 16) எதிர்காலத்தில் இந்தச் சம்பவங்கள் எல்லாம் நடக்கும்போது நாம் தைரியமாக இருக்க வேண்டுமென்றால் இன்றைக்கு சோதனைகள் வரும்போது நாம் உறுதியாக இருக்க வேண்டும்.

என்ன செய்ய வேண்டும்:

• யெகோவாவுடைய ஒழுக்க நெறிகளைத் தைரியமாகப் பின்பற்றுங்கள்.—ஏசா 5:20

• சகோதர சகோதரிகளோடு சேர்ந்து தொடர்ந்து யெகோவாவை வணங்குங்கள்.—எபி 10:24, 25

• யெகோவாவுடைய அமைப்பு தருகிற ஆலோசனைகளுக்கு உடனடியாகக் கீழ்ப்படியுங்கள்.—எபி 13:17

• கடந்தகாலத்தில் யெகோவா தன்னுடைய மக்களை எப்படியெல்லாம் காப்பாற்றியிருக்கிறார் என்பதை யோசித்துப் பாருங்கள்.—2பே 2:9

• யெகோவாவிடம் ஜெபம் செய்யுங்கள், அவரை நம்புங்கள்.—சங் 112:7, 8

தைரியத்தோடு சந்திக்க வேண்டிய எதிர்கால சம்பவங்கள்—சில காட்சிகள் என்ற வீடியோவைப் பார்த்துவிட்டு, இந்தக் கேள்விகளுக்குப் பதில் சொல்லுங்கள்:

• 

  சபையைப் பிரிப்பது சம்பந்தமாக மூப்பர்கள் எடுத்த தீர்மானத்துக்குக் கீழ்ப்படிய சில பிரஸ்தாபிகளுக்கு ஏன் கஷ்டமாக இருந்தது?

• 

  தைரியமும் கீழ்ப்படிதலும் எப்படி ஒன்றோடொன்று சம்பந்தப்பட்டிருக்கின்றன?

• 

  அர்மகெதோன் வரும்போது நமக்கு ஏன் தைரியம் தேவை?

• 

  யெகோவா நம்மை காப்பாற்றுவார் என்று நாம் உறுதியாக நம்புவதற்கு எந்த பைபிள் பதிவு நமக்கு உதவும்?—2நா 20:1-24