கற்புள்ள நடத்தையாலும் ஆழ்ந்த மரியாதையாலும் இதயங்களை வெல்லுங்கள்

யெகோவாவின் சாட்சியாக மாறிய மனைவிகளின் நல்ல நடத்தையைப் பார்த்தே பல கணவர்கள் சத்தியத்துக்கு வந்திருக்கிறார்கள். ஆனால், இதற்காக ஒரு மனைவி பல வருஷங்கள் கஷ்டங்களைச் சகிக்க வேண்டியிருக்கலாம். (1பே 2:21-23; 3:1, 2) நீங்கள் அநியாயமாகக் கஷ்டங்களை அனுபவித்துக் கொண்டிருந்தால், தொடர்ந்து தீமையை நன்மையால் வெல்லுங்கள். (ரோ 12:21) நீங்கள் சொல்வதைக் கேட்டு மாறாத கணவர், உங்கள் நல்ல நடத்தையைப் பார்த்து மாறலாம்.

உங்கள் கணவரின் இடத்தில் உங்களை வைத்துப் பாருங்கள். (பிலி 2:3, 4) அவரைப் புரிந்துகொள்ள முயற்சி செய்யுங்கள், கரிசனை காட்டுங்கள். அவருக்கு மரியாதை கொடுங்கள், உங்கள் பொறுப்புகளை முடிந்தவரை நன்றாகச் செய்யுங்கள். அவர் சொல்வதைக் காதுகொடுத்துக் கேளுங்கள். (யாக் 1:19) பொறுமையாக இருங்கள். அவர்மீது அன்பு வைத்திருப்பதை அவரிடம் சொல்லுங்கள். பதிலுக்கு உங்கள் கணவர் அன்பாகவும் மரியாதையாகவும் நடந்துகொள்ளவில்லை என்றால் கவலைப்படாதீர்கள். நீங்கள் செய்கிற எல்லாவற்றையும் யெகோவா மதிக்கிறார் என்பதில் உறுதியாக இருக்கலாம்.—1பே 2:19, 20.

கவலைகளைச் சமாளிக்க யெகோவா உதவி செய்வார் என்ற வீடியோவைப் பார்த்த பிறகு, இந்தக் கேள்விகளுக்குப் பதில் சொல்லுங்கள்:

• கல்யாணமான புதிதில் கிரேஸ் லீயின் வாழ்க்கை எப்படி இருந்தது?

• பைபிள் சத்தியத்தை ஏற்றுக்கொள்ள அவரை எது தூண்டியது?

• ஞானஸ்நானம் எடுத்த பிறகு, பிரச்சினைகள் வந்தபோது சகோதரி கிரேஸ் லீ எப்படிச் சகித்திருந்தார்?

• தன்னுடைய கணவருக்காக சகோதரி கிரேஸ் லீ என்ன ஜெபம் செய்தார்?

• இந்தச் சகோதரியின் கற்புள்ள நடத்தையாலும், அவர் காட்டிய ஆழ்ந்த மரியாதையாலும் என்னென்ன ஆசீர்வாதங்கள் கிடைத்தன?