“கடவுள் எனக்கு உதவி செய்வார்”

தாவீது வாழ்க்கையில் நிறைய கஷ்டங்களை அனுபவித்தார். 52 முதல் 59 வரை உள்ள சங்கீதங்களை படித்தால் தாவீது எந்தளவு மனவேதனையில் இருந்தார் என்பதை தெரிந்துகொள்ளலாம். அந்த மாதிரி சூழ்நிலைகளில் யெகோவாவைதான் மலைபோல் நம்பினார். (சங் 54:4; 55:22) யெகோவா கொடுத்த ஆலோசனைகளுக்காக தாவீது அவரைப் புகழ்ந்தார். (சங் 56:10) தாவீதைப் போலவே நாமும் யெகோவாமேல் முழு நம்பிக்கை வைக்கிறோமா? பிரச்சினைகள் வரும்போது அதை சமாளிப்பது எப்படி என தெரிந்துகொள்ள பைபிளை படிக்கிறோமா? (நீதி 2:6) எந்த பைபிள் வசனங்கள், இந்த மாதிரி சூழ்நிலைகளில் உங்களுக்கு உதவி செய்திருக்கிறது:

• சோர்ந்துபோய் அல்லது மனவேதனையில் இருக்கும்போது

• வியாதியால் கஷ்டப்படும்போது

• மற்றவர்கள் நம் மனதை காயப்படுத்தும்போது

• நம்மை துன்புறுத்தும்போது