Ungakuncoba Kanjani Kwesaba Kufa?

Lokushiwo liBhayibheli

Sinesizatfu lesivakalako sekwesaba kufa ngako siyayivikela imphilo yetfu. (1 KubaseKhorinte 15:26) Nobe kunjalo kwesaba kakhulu kufa lokubangelwa tinkholelo letingemanga kwenta bantfu ‘bagcilatwe kwesaba kufa kuko konkhe kuphila kwabo.’ (KumaHebheru 2:15) Kwati liciniso kungakwenta ungakwesabi kakhulu kufa ngobe kwesaba lokunjalo kungakwenta ungasakujabuleli kuphila.​—Johane 8:32.

Liciniso ngekufa

• Labafile abati lutfo. (Tihlabelelo 146:4) Akudzingeki wesabe kutsi utawuva buhlungu nobe utawuhlushwa nasewufile ngoba liBhayibheli litsi kufa kufanana nekulala.​—Tihlabelelo 13:3; Johane 11:11-14.

• Labafile angeke basilimate. Ngisho netitsa lebetineludlame kute letingakwenta nasetifile. (Taga 21:16) LiBhayibheli litsi “lutsandvo lebebanalo, inzondo lebebanayo kanye nemona lebebanawo sekuphelile.”​—Umshumayeli 9:6.

• Kufa akusiso siphetfo sekuphila kwetfu. Nkulunkulu utawubavusa bantfu labafile.​—Johane 5:28,​29; Imisebenti 24:15.

• Nkulunkulu wetsembisa kutsi kutoba nesikhatsi lapho ‘kufa kungeke kusaba khona.’ (Sembulo 21:4) Nakufika leso sikhatsi liBhayibheli litsi: “Labalungile batawudla lifa lemhlaba,futsi bahlale kuwo kuze kube phakadze.” Angeke basakwesaba kufa.​—Tihlabelelo 37:29.