Yini Lengakusita Uyicondze Imifanekiso LeseBhayibhelini?

LiBhayibheli linemifanekiso leminyenti. Nobe kunjalo, bantfu labanyenti labafundza liBhayibheli bakutfola kumatima kuyicondza. (Mat. 13:13) Yini lengakusita kutsi uyicondze kahle lemifanekiso leseBhayibhelini? Yetama naku:

• Cabanga ngekutsi liyini liphuzu leliyinhloko nekutsi lifananiswa nani. Sibonelo nje, Sembulo 3:3 sifananisa kufika kwaJesu (lokuliphuzu leliyinhloko) nekufika kwelisela (lokunguloko lokufananiswa nako).

• Tfola kutsi leliphuzu leliyinhloko lifanana njani naloku lokufananiswa nako. Yetama kucabanga ngekutsi yini leyenta lokutsite kufananiswe nalokunye nekutsi letintfo tifana ngani.

• Fika esiphetfweni lesingiso. Lokunye kufana lokukhona emkhatsini waleliphuzu leliyinhloko naloko lokufananiswa nalo kungenta lotsite kutsi afike esiphetfweni lesingasiso. Kulesibonelo lesingenhla, kufika kwaJesu akusho kutsi utoweba lokutsite. Kunaloko, lomcondvo walelivesi ukhombisa kutsi kufika kwakhe kutawufana nekufika kwelisela ngemcondvo wekutsi utawufika kungakalindzeleki nobe kungakamenyetelwa.