Çfarë thotë Bibla?
Kush ose çfarë është Djalli?
A MENDON se Djalli është . . .
krijesë e padukshme?
e keqja brenda njeriut?
pjellë e imagjinatës?
BIBLA THOTË:
Djalli foli me Jezuin dhe ‘e tundoi’. (Mateu 4:1-4) Pra, Djalli nuk është person imagjinar, as thjesht e keqja. Ai është engjëll i lig.
Ç’MËSOJMË TJETËR NGA BIBLA?
Në fillim Djalli ishte një engjëll i shenjtë, mirëpo «nuk qëndroi i vendosur në të vërtetën». (Gjoni 8:44) U bë gënjeshtar dhe u rebelua kundër Zotit.
Edhe engjëj të tjerë u rebeluan dhe u bashkuan me Satanain.—Zbulesa 12:9.
Djalli ua ka verbuar mendjen shumë vetave që të mos besojnë se ai ekziston.—2 Korintasve 4:4.
A mund t’i mbajë nën kontroll Djalli njerëzit?
DISA THONË se kjo është një përrallë, ndërsa të tjerë tmerrohen nga ideja se mos i pushtojnë demonët. Si mendon ti?
BIBLA THOTË:
«E gjithë bota dergjet nën pushtetin e të ligut.» (1 Gjonit 5:19) Djalli ka pushtet të madh mbi njerëzit, ama jo mbi çdo njeri.
Ç’MËSOJMË TJETËR NGA BIBLA?
Djalli përdor mashtrimin që të ndikojë më tepër te njerëzit.—2 Korintasve 11:14.
Ka raste që frymërat e liga i komandojnë njerëzit.—Mateu 12:22.
Me ndihmën e Zotit, mund t’ia dalësh ‘t’i kundërvihesh Djallit’.—Jakovi 4:7.