Shënimi

a Para revolucionit të tetorit 1917, Rusia përdorte kalendarin më të vjetër julian, por shumica e vendeve kanë pranuar kalendarin gregorian. Më 1917 kalendari julian ishte 13 ditë pas kalendarit gregorian. Pas revolucionit, sovjetikët pranuan kalendarin gregorian, dhe kështu Rusia përdorte të njëjtin kalendar si pjesa tjetër e botës. Megjithatë Kisha Ortodokse mbajti kalendarin julian për kremtimet e saj, duke e quajtur atë kalendari i «stilit të vjetër». Mund të dëgjosh që Krishtlindjet në Rusi të festohen më 7 janar. Mbaj parasysh gjithsesi që 7 janari i kalendarit gregorian është 25 dhjetori i kalendarit julian. Kështu shumë rusë i kremtojnë këto festa të fundvitit: më 25 dhjetor, Krishtlindjet perëndimore; më 1 janar, Viti i Ri; më 7 janar, Krishtlindjet ortodokse; më 14 janar, Viti i Ri sipas stilit të vjetër.