Shënimi

a Në një masë të madhe, farisenjtë ishin përgjegjës për këtë formë të judaizmit që ekziston sot, prandaj nuk habitemi që judaizmi ende kërkon të çara në format e tij të shumta të kufizimeve të së shtunës. Për shembull, në një spital hebre ortodoks, vizitori mund të shohë se të shtunën ashensori ndalon automatikisht në çdo kat, në mënyrë që pasagjerët të kenë mundësi për të shmangur «veprën» mëkatare të shtypjes së butonit të ashensorit. Disa mjekë judenj ortodoksë i shkruajnë recetat me një farë boje, e cila zhduket brenda disa ditëve. Përse? Mishnah e klasifikon shkrimin si «punë», por e përshkruan «shkrimin» si diçka që lë një shenjë të qëndrueshme.