Si t’i përdorim idetë për biseda

Që nga janari i vitit 2018, te Jeta dhe shërbimi ynë i krishterë—Fletëstudimi për mbledhje janë dhënë disa ide si të nisen bisedat. Si t’i përdorim?

Kur ke një caktim si student: Përdor pyetjen, shkrimin dhe pyetjen pezull të bisedës. Megjithatë kjo nuk do të thotë që ta bësh pjesën fjalë për fjalë si në video. Rrethana, hyrja, arsyetimi e kështu me radhë mund të jenë të ndryshme. Gjithashtu mund të lësh një botim nga Çanta e mjeteve mësimore, ndonëse nuk përmendet tek udhëzimet e caktimit.

Kur je në shërbim: Këto biseda jepen për të pasur një ide të përgjithshme. Mund ta vazhdosh bisedën me dikë që tregon interes dhe do të dijë më shumë duke përdorur përmbajtjen e bisedës së dytë. Por, variantin e propozuar mund ta ndryshosh ose të përdorësh diçka krejt tjetër. A do të shkonte më shumë për territorin tuaj një argument i trajtuar në muajt e mëparshëm ose një shkrim tjetër? A janë më shumë të interesuar njerëzit në territor për diçka që po ndodh në vend? Sido që t’i përdorësh idetë për biseda, synimi yt duhet të jetë të bësh ‘çdo gjë për hir të lajmit të mirë, që t’ua japësh edhe të tjerëve këtë lajm’.—1Ko 9:22, 23.