Si do të përgatitesh për Përkujtimin?

Duke filluar nga ky vit do të kemi më shumë kohë të përgatitemi për Përkujtimin e vdekjes së Krishtit. Nëse Përkujtimi bie gjatë javës, mbledhja Jeta dhe shërbimi nuk do të mbahet për atë javë. Nëse Përkujtimi bie në fundjavë, atëherë për atë javë nuk do të mbahet as fjalimi për publikun dhe as Studimi i Kullës së Rojës. A do ta përdorësh sa më mirë këtë kohë ekstra? Ashtu si në shekullin e parë, për këtë rast special duhen bërë gjëra praktike. (Lu 22:7-13; km 3/​15 1) Përveç tyre, të gjithë duhet të përgatitim zemrën. Si?

• Medito për rëndësinë e pjesëmarrjes.—1Ko 11:23-26

• Lutu dhe medito për marrëdhënien tënde me Jehovain. —1Ko 11:27-29; 2Ko 13:5

• Lexo vargje nga Bibla dhe botime të bazuara në Bibël që shpjegojnë domethënien e Përkujtimit dhe medito për to.—Gjo 3:16; 15:13

Disa lajmëtarë lexojnë dhe meditojnë për pjesët nga Bibla të programuara për Përkujtimin, që gjenden te broshura Të shqyrtojmë Shkrimet çdo ditë. Të tjerë lexojnë vargjet nga Bibla që tregohen në tabelën më poshtë. Ndërsa të tjerë rishqyrtojnë artikuj nga Kulla e Rojës që flasin për Përkujtimin dhe për dashurinë që na kanë treguar Jehovai dhe Jezui. Pavarësisht nga projekti i studimit që do të zgjedhësh, urojmë të të forcojë miqësinë me Jehovain dhe me Birin e Tij.