MEDADI

Një nga 70 pleqtë e Izraelit që u zgjodhën për të ndihmuar Moisiun gjatë udhëtimit në shkretëtirë. Megjithëse Medadi dhe Eldadi nuk kishin shkuar te tenda e takimit bashkë me të tjerët, ata «ishin ndër të shënuarit». Kështu, kur Jehovai mori ca nga fryma që ishte mbi Moisiun dhe e vuri mbi secilin nga 70 pleqtë, edhe këta e morën dhe nisën të vepronin si profetë në kamp. (Nu 11:16, 17, 24-26) Josiu i sugjeroi Moisiut që ta ndalonte Medadin dhe Eldadin, por ai ia ktheu: «Mos je gjë xheloz për mua? Mos ji, sepse unë do të doja që tërë populli i Jehovait të ishin profetë, pasi Jehovai do ta vinte frymën e tij mbi ta!»​—Nu 11:27-29.