MËSIMI 19
Përpiqu të prekësh zemrën
Proverbat 3:1
PËRMBLEDHJE: Ndihmoji dëgjuesit të kuptojnë vlerën e asaj që mësojnë dhe të veprojnë sipas saj.
SI TA ARRISH:
Ndihmoji dëgjuesit të shqyrtojnë veten. Bëj pyetje retorike që t’i ndihmosh dëgjuesit të shqyrtojnë si ndihen për një çështje.
Bëju thirrje motiveve të mira. Nxiti dëgjuesit të analizojnë pse bëjnë vepra të mira. Ndihmoji të zhvillojnë motivet më fisnike—dashurinë për Jehovain, për njerëzit dhe për mësimet e Biblës. Arsyeto me dëgjuesit; mos u bëj moral. Në vend se t’u ngjallësh ndjenja turpi, ndihmoji që në fund të pjesës të ndihen të inkurajuar, të motivuar për të bërë më të mirën.
Drejtoje vëmendjen te Jehovai. Thekso se si mësimet, parimet dhe urdhërimet e Biblës pasqyrojnë cilësitë e Perëndisë dhe dashurinë që ka për ne. Ndihmoji dëgjuesit të kultivojnë dëshirën që të mendojnë thellë për ndjenjat e Jehovait dhe që ta kënaqin.