Si t’i kujtosh shkrimet

A e ke ndonjëherë të vështirë të kujtosh një varg të preferuar nga Bibla? Mbase është një varg që të ngroh zemrën, që të ndihmon të luftosh mendimet e gabuara ose që dëshiron t’ia tregosh dikujt tjetër. (Psal. 119:11, 111) Shiko disa sugjerime se si t’i ngulitësh në kujtesë shkrimet.

• Përdor funksionin «tag» në JW Library^®. Ndërsa lexon Biblën në aplikacionin JW Library, mund ta përdorësh këtë funksion për të ruajtur vargje që dëshiron t’i mbash mend.a

• Vëre shkrimin në një vend ku ta zë syri kollaj. Shkruaje në një letër vargun që dëshiron të kujtosh dhe vendose në një vend ku e sheh shpesh. Disa e vënë pranë pasqyrës ose te dera e frigoriferit. Të tjerë e fotografojnë shkrimin dhe e vënë si foto të ekranit të kompjuterit ose të celularit.

• Përdor fletë me shkrime. Në njërën anë të fletës shkruaj një varg dhe në anën tjetër shkruaj ku gjendet. Pastaj duke parë vetëm njërën anë, përpiqu të kujtosh çfarë ka në anën tjetër.