Njoftime

◼ Literatura që do të ofrohet në mars dhe prill: revistat Kulla e Rojës dhe Zgjohuni! Kur bëni rivizita përpiquni të filloni një studim me librin Çfarë mëson vërtet Bibla? ose me broshurat Dëgjoje Perëndinë që të jetosh përgjithmonë dhe Të kesh vërtet besim​—Çelësi për një jetë të lumtur. Maj dhe qershor: fletushkat Së shpejti, të gjitha vuajtjet do të marrin fund!; Jehovai: Kush është Ai?; A e sundon fati jetën tonë? Apo Perëndia na quan ne përgjegjës?; A do të mbijetojë kjo botë?; Jeta në një botë të re paqësore; Gëzo jetën familjare; Jezu Krishti: Kush është ai? dhe A do të dish të vërtetën?

◼ Përkujtimi do të mbahet të martën më 26 mars 2013. Në rast se kongregacioni i ka normalisht mbledhjet të martën, këto të bëhen një ditë tjetër të javës, nëse Salla e Mbretërisë është e lirë. Nëse Mbledhja e Shërbimit duhet anuluar, koordinatori i trupit të pleqve mund të bëjë disa rregullime të programit që pjesët të cilat zbatohen veçanërisht për kongregacionin të mbahen në një mbledhje tjetër gjatë muajit. Kongregacionet që kanë vizitën e mbikëqyrësit qarkor duhet ta programojnë mbledhjen e ditës së martë në një ditë tjetër gjatë javës së vizitës.