Njoftime

◼ Literatura që do të ofrohet në prill dhe maj: revistat Kulla e Rojës dhe Zgjohuni! Atje ku gjeni interes, ofroni fletushkën A do të dish të vërtetën? me synimin për të filluar një studim biblik. Qershor: libri Çfarë mëson vërtet Bibla? Korrik dhe gusht: broshurat Një libër për të gjithë njerëzit, Origjina e jetës: Pesë pyetje që ia vlen t’i bësh dhe A u krijua jeta?

◼ Në programin e Mbledhjes së Shërbimit që do të mbahet javën para javës së kongresit krahinor, mund të bëhen rregullime për të përsëritur këshillat dhe përkujtuesit në lidhje me kongresin. Një ose dy muaj pas kongresit tuaj, mund të përdoret pjesa e nevojave lokale për të rishikuar disa pika të kongresit që lajmëtarët mendojnë se do t’i ndihmojnë në shërbim.

◼ Duke filluar nga muaji maj, të gjitha kongregacionet duhet të përqendrohen për të filluar studime biblike të shtunën e parë të çdo muaji. Seria «Mëso nga Fjala e Perëndisë» në Kullën e Rojës, është bërë enkas për t’i ndihmuar lajmëtarët në këtë drejtim. Faqja e fundit te Shërbimi ynë i Mbretërisë do të përmbajë prezantime model për muajin pasues, si dhe një sugjerim për të filluar studime biblike të shtunën e parë të muajit.