Njoftime

◼ Literatura që do të përdoret gjatë muajit tetor: Kulla e Rojës. Të bëhet një përpjekje e veçantë për të lënë revistat. Pajtimet mund të ofrohen në rivizita kur është treguar një interes i vërtetë. Nëntor: Të ofrohet libri Jeta: Si erdhi ajo këtu? Me evolucion apo me krijim? Dhjetor: Do të ofrohet libri i ri i titulluar Njohuria që të çon në jetën e përhershme. Të bëhet një përpjekje e veçantë për të vizituar të gjithë ata që kanë pranuar librin me synimin që të fillojmë studime biblike në shtëpi. Janar: Çdo libër që kongregacioni mund të ketë në dispozicion. SHËNIM: Kongregacionet që nuk i kanë porositur këto botime për fushatën, duhet t’i porositin në kërkesën e ardhshme mujore të literaturës, duke përdorur formularin e përshtatshëm.

◼ Shtojca në këtë numër të fletushkës Shërbimi Ynë i Mbretërisë është «Programi i Shkollës së Shërbimit Teokratik për 1996» i cili duhet të mbahet për referim gjatë 1996-ës.

◼ Kongregacionet duhet të fillojnë të kërkojnë broshurën Të shqyrtojmë Shkrimet çdo ditë​—1996 me kërkesën e literaturës së tetorit. Broshura do të jetë në dispozicion në gjuhën angleze, arabe, daneze, finlandeze, frënge, greke, gujarati, gjermane, hebreje, hindiane, holandeze, hungareze, iloko, italiane, japoneze, kineze, kineze (e thjeshtë), koreane, kroate, norvegjeze, polake, portugeze, rumune, ruse, samoane, serbe, spanjolle, suedeze, shqipe, tagaloge, turke, ukrainase dhe vietnameze. Derisa këto broshura të jenë në dispozicion dhe të transportohen, në listën e kërkesës së kongregacionit do të jetë në pritje. Broshura Të shqyrtojmë Shkrimet është një botim me kërkesë të veçantë.

◼ Botime të reja në dispozicion

A kujdeset me të vërtetë Perëndia për ne?​—Gjuha: perse

Si të fillojmë dhe të vazhdojmë studime biblike.​—Gjuha: puniabe

Dëshmitarët e Jehovait dhe Arsimimi.​—Gjuha: angleze, frënge, greke, italiane, japoneze, kineze, portugeze, spanjolle, shqipe, tagaloge, vietnameze

Dëshmitarët e Jehovait në shekullin e njëzetë.​—Gjuha: lituane, maqedonase

Njohuria që të çon në jetën e përhershme.​—Gjuha: angleze, frënge, greke, italiane, japoneze, kineze, portugeze, spanjolle, shqipe, tagaloge, vietnameze

◼ Kaseta të reja në dispozicion:

Duke bërë atë që është e drejtë në sytë e Jehovait.​—Gjuha: gjermane

Këndojini lavdi Jehovait (seri prej tetë kasetash në një album).​—Gjuha: polake

◼ Videokaseta të reja në dispozicion:

Shoqëria e botës së re në veprim (Një rishikim i filmit historik me të njëjtin titull i shfaqur në 1954).​—Gjuha: angleze

Dëshmitarët e Jehovait​—Organizata pas emrit.​—Gjuha: shqipe