Edhe ti mund të gëzosh përvoja të mira!

Disa lajmëtarë duket se kanë gjithmonë për të treguar përvoja interesante dhe inkurajuese mbi një vizitë fillestare apo rivizitë që u ka sjellë atyre shumë gëzim. Zakonisht, përvojat e mira nuk vijnë rastësisht. Pjesa më e madhe vjen si rezultat i përpjekjeve të zellshme dhe këmbënguljes. Ato nuk janë doemos të kufizuara në lajmëtarë të cilët kanë një të folur më të rrjedhshëm apo që janë më të aftë.

Ja disa nga gjërat që janë vërejtur tek ata të cilët kanë pasur shumë sukses: (1) marrin pjesë në shërbimin në fushë në një bazë të rregullt, zakonisht disa herë çdo javë, e cila u siguron atyre shumë raste për të pasur kontakt me personat e interesuar; (2) mbajnë një qëndrim pozitiv ndaj pronarit të shtëpisë, duke mos nxjerrë një përfundim para kohe se ai nuk do të përgjigjet; (3) janë miqësorë, tregojnë përzemërsi dhe interes të vërtetë ndaj atyre që dëgjojnë; (4) janë të zellshëm për të bërë rivizitat dhe për t’u kthyer tek ata që nuk kanë qenë në shtëpi; dhe (5) kanë si synim që të fillojnë studime biblike.

Pasi ke analizuar aktivitetin tënd, ndoshta mund të shohësh se mund të gëzosh më shumë nga ato përvoja të këndshme që ndikojnë kaq shumë për të arritur rezultate dhe kënaqësi në shërbim.