Për të rinjtë
Ruhu nga ambicia!
Udhëzime: Shqyrtoje këtë material në ambient të qetë. Ndërsa lexon shkrimet, imagjino sikur po i sheh me sytë e tu ngjarjet. Përfytyroji skenat. Dëgjoji zërat. Përpiqu të provosh ndjenjat e personazheve. Jetoje tregimin.
Personazhet kryesore: Davidi, Absalomi, Joabi
Përmbledhje: Absalomi orvatet t’i marrë fronin të atit.
ANALIZO NGJARJET.—LEXO 2 SAMUELIT 14:25-33; 15:1-17; 18:9-17, 30-33.
Përshkruaj si e imagjinon pamjen e Absalomit. (Lexo përsëri 2 Samuelit 14:25, 26.)
Si e përfytyron qëndrimin dhe tonin e zërit të Absalomit, teksa përpiqej të fitonte zemrat e atyre që vinin te mbreti për drejtësi? (Lexo përsëri 2 Samuelit 15:2-6.)
Çfarë kupton për personalitetin e Absalomit nga ngjarja e dokumentuar te 2 Samuelit 14:28-30?
KËRKO MË THELLË.
Çfarë kishte bërë Absalomi që të arrinte të merrte fronin? (E dhënë: lexo 2 Samuelit 13:28, 29. Amnoni, djali i madh i Davidit, ishte trashëgimtari i fronit.)
Pavarësisht nga ambicia dhe përpjekjet për t’i dhënë lavdi vetes, ç’tregon mënyra si e varrosën Absalomin për atë që mendonin të tjerët për të? (Lexo përsëri 2 Samuelit 18:17.)
Si mendon, çfarë mund të ketë ndikuar që Absalomi të bëhej ambicioz? (Krahaso atë që thuhet për Diotrefin te 3 Gjonit 9, 10.)
Si ndikuan veprimet e Absalomit te Davidi? (E dhënë: lexo Psalmin 3, të cilin Davidi e shkroi kur Absalomi u rebelua.)
NXIRR DOBI NGA AJO QË MËSOVE. SHKRUAJ SE ÇFARË MËSOVE PËR . . .
Rrezikun e një fryme ambicioze.
Dhimbjen që veprimet e dikujt mund t’u shkaktojnë të tjerëve, ku përfshihen edhe prindërit e tij a të saj.
PËR ZBATIM TË MËTEJSHËM.
Si mund të biesh në kurthin e ambicies?
Si ta shmangësh krenarinë e pavend?
ÇFARË TË TËRHEQ MË SHUMË NGA KY TREGIM DHE PSE?
Sugjerim: Imagjino një përfundim tjetër të këtij tregimi. Ç’mund të kishte ndodhur nëse Absalomi do të ishte modest dhe jo ambicioz?—Proverbat 18:12.