Emri i Perëndisë në muzikën ruse

NË VITIN 1877, kompozitori i famshëm rus Modest Musorgskij botoi një pjesë korale të bazuar në një tregim nga vendet biblike. «Kam shkruar një skenë biblike, Lisus Navin [Josiu],—i shkruante një miku të vet,—pikë për pikë sipas Biblës, madje kam ndjekur itinerarin e marshimeve fitimtare të Navinusit përmes Kanaanit.» Edhe në kompozime të tjera, ndër të cilat «Rrënimi i Senakeribit», Musorgskij përdorte tema dhe personazhe biblike.

Vlen të përmendet se, në veprën «Lisus Navinus», si dhe në botimin e vitit 1874 të veprës «Rrënimi i Senakeribit», Musorgskij i referohet Perëndisë duke përdorur emrin hyjnor me shqiptimin rus, që gjendet rreth 7.000 herë në Shkrimet Hebraike, me katër bashkëtingëllore—יהוה (YHWH).

Pra, këto vepra të Musorgskijit tregojnë se emri biblik i Perëndisë, Jehova, njihej në shoqërinë ruse shumë kohë para se të niste shekulli i 20-të. Kjo është me vend, pasi vetë Jehovai i tha Moisiut: «Ky është emri im në jetë të jetëve, dhe me të do të kujtohem brez pas brezi.»—Dalja 3:15.

[Figura në faqen 32]

Konservatori i Shën-Pjetërburgut në vitin 1913. Aty mbahen partiturat e muzikës së Musorgskijit

[Burimet e figurave në faqen 32]

Pentagrami: The Scientific Music Library of the Saint-Petersburg State Conservatory named after N.A. Rimsky-Korsakov; rruga në sfond: National Library of Russia, St. Petersburg