Një ngjarje që nuk duhet ta humbitni

«Çdo dhuratë e mirë dhe çdo gjë e përsosur» vjen nga Perëndia, Ati ynë qiellor.—Jakovit 1:17.

DHURATA më e madhe që Perëndia i ka dhënë njerëzimit mëkatar është masa që ai ka marrë për shpëtimin e tyre nga mëkati dhe nga papërsosmëria, nëpërmjet Birit të tij të vetëmlindur, Jezu Krishtit. Vdekja e Jezuit, Shpërblyesit tonë, bën të mundur jetën e përhershme në një tokë parajsore. Te Luka 22:19 na jepet urdhri që ta përkujtojmë vdekjen e tij.

Dëshmitarët e Jehovait ju ftojnë përzemërsisht që të jeni me ta për të zbatuar urdhrin e Jezuit. Kjo ngjarje vjetore do të kremtohet pas perëndimit të diellit, në datën që përkon me 14 nisanin në kalendarin hënor të Biblës, pra, të dielën, më 8 prill 2001. Mbajeni shënim këtë datë, në mënyrë që të mos e harroni. Dëshmitarët e Jehovait në zonën tuaj mund t’ju tregojnë kohën dhe vendin e saktë të mbledhjes.