Dhënie që është e çmuar në sytë e Jehovait

Letra vijuese mbërriti në zyrën e degës së Dëshmitarëve të Jehovait në Mozambik:

«Jam një djalë shtatëvjeçar. Shkoj në shkollën fillore. Po ju dërgoj këto para që i fitova duke rritur një zog pule. E shita për 12 000 metikaisë [1 dollar amerikan]. Falënderoj Jehovain, sepse zogu i parë i pulës për të cilin u kujdesa, u rrit derisa u bë kaposh. Do të më pëlqente që dhurata ime të përdorej për veprën e Mbretërisë së Jehovait.

P.S. Për të shkruar këtë letër, më ndihmoi babi.»

Disa njerëz, kur mendojnë për bujarinë, u shkon mendja te personat që kanë tepricë gjërash materiale. Megjithatë, kur lexojmë tregimin biblik për vejushën që hodhi në arkën e thesarit «dy pare të vogla [me vlerë shumë të vogël, BR]», mund të kuptojmë se bujaria nuk matet nga sasia, por sipas prirjes së duhur të zemrës.​—Luka 21:1-4.

Jehovai vlerëson çdo dhuratë, pavarësisht se sa e vogël mund të jetë, që vjen nga një zemër e motivuar nga dashuria. Veç kësaj, i bekon shumë ata që e imitojnë bujarinë e tij, duke dhënë nga koha, energjia ose nga burimet materiale që kanë, në dobi të Mbretërisë së tij.​—Mateu 6:33; Hebrenjve 6:10.