Lavdërojnë në heshtje Krijuesin e tyre

PERËNDIMI i diellit është nga natyra diçka mahnitëse. Por pamja e diellit që zbret pas këtij mali të veçantë të Alpeve Apuane në Toskana të Italisë, është vërtet si asnjë tjetër.

I parë nga njëfarë largësie, duket sikur dielli zhytet në mal në vend se zbret prapa tij. Pse? Sepse maja e malit ka një hark natyror që duket si të ishte bërë zgavër në mal. Në të vërtetë, ky kep e meriton emrin e tij, mali Forato, mali i Shpuar. Për shkak të rrotullimit të tokës rreth diellit, ata që shohin përmes harkut, vetëm në dy raste në vit mund ta shikojnë diellin tek duket sikur zhytet në malin Forato.

Ashtu si veçoritë e tjera të krijimit, qiejtë e pajetë lavdërojnë Krijuesin e tyre. Si? Në të njëjtën mënyrë që një pikturë e bukur mund t’i sjellë lavdi artistit që e ka bërë. Në fakt, trupat qiellorë flasin për fuqinë, mençurinë dhe madhështinë e Jehovait. Siç e shprehu këtë psalmisti, «qiejtë tregojnë lavdinë e Perëndisë dhe kupa qiellore shpall veprën e duarve të tij». (Psalmi 19:1; 69:34) Përderisa dielli dhe trupat e tjerë të pajetë lavdërojnë Krijuesin e tyre, sa më shumë duhet ta bëjmë këtë gjë ne!—Psalmi 148:1, 3, 12, 13.