«Jam krijuar në mënyrë të mrekullueshme»

«PREJ nga kam ardhur?» Këtë pyetje pjesa më e madhe e fëmijëve e bën herë pas here. Kur fëmijët rriten, shpesh, pyetja e tyre bëhet më e thellë: «Prej nga erdhi jeta?» Për mijëra vjet po diskutohet kjo pyetje dhe sot shumë shkencëtarë e shikojnë evolucionin si përgjigjen më të arsyeshme mbi enigmën e origjinës së jetës. Në themel, shpjegimi i evolucionistëve është që jeta lindi rastësisht.

Rreth 3.000 vjet më parë, Mbreti David shkroi: «Në një mënyrë që nxit frikë jam krijuar në mënyrë të mrekullueshme.» (Psalmi 139:14, BR) Sa më shumë që mësojmë mbi jetën, aq më të vërteta bëhen këto fjalë. Po, fizikanti Fred Hoil shkroi: «Ndërsa biokimistët zbulojnë gjithnjë e më shumë mbi kompleksitetin e mahnitshëm të jetës, është e dukshme që mundësitë se ajo ka ardhur rastësisht janë kaq të vogla sa mund të hiqen plotësisht. Jeta nuk mund të ketë lindur rastësisht.»

Pra, cila është origjina e jetës? Dy artikujt e parë të kësaj reviste konsiderojnë këtë çështje. Nëse dëshiron të kesh informacion të mëtejshëm, lutemi t’i shkruash Dëshmitarëve të Jehovait, Kutia postare 118, Tiranë, apo njërës nga adresat e përshtatshme që ndodhen në faqen 2.