GOMERA

Bija e Diblaimit që u bë gruaja e Hozesë sipas udhëzimeve që i dha Jehovai profetit. (Ho 1:2, 3) Më pas Gomera solli në jetë tre fëmijë. Emrat e tyre domethënës Perëndia i përdori për të parathënë pasojat katastrofike të kurorëshkeljes frymore që kishte kryer Izraeli duke rënë në idhujtari. Kur flet për lindjen e fëmijës së parë, të cilit iu vu emri Jezreel, Bibla thotë se Gomera «i lindi [Hozesë] një djalë». Mirëpo, për lindjen e dy fëmijëve të tjerë, nuk thuhet gjë që babai i tyre ishte profeti, prandaj mendohet se kanë qenë fëmijë të paligjshëm. (Ho 1:3-9) Hozea 3:1-3 me sa duket tregon se Gomera e la sjelljen kurorëshkelëse për t’u kthyer te profeti dhe u ble si të ishte skllave, çka ilustron faktin që Perëndia do ta mirëpriste Izraelin në bazë të pendimit.