ZERERAHU

Shkrimet thonë se midianitët e mposhtur, që i ndiqte ushtria e Gideonit, ia mbathën «deri në Beth-Shitah, kaluan në Zererah dhe vazhduan deri në rrethinat e Abel-Meholahut pranë Tabatit».​—Gjy 7:22.

Në këtë varg njëzet dorëshkrime hebraike thonë «Zeredah» e jo Zererah. Meqë Zeredah dhe Zaretan përmenden në tregimet paralele të 2 Kronikave 4:17 dhe të 1 Mbretërve 7:46, disa hedhin idenë se vendndodhja e Zererahut përkon me atë të Zaretanit.​—Shih ZARETANI.

Mirëpo, vendndodhja mund të jetë kjo vetëm nëse shprehja «në Zererah» ka kuptimin «në drejtim të Zererahut», meqenëse Zaretani duket se ishte goxha në jug të Abel-Meholahut. Përndryshe, Zererahu duhej të ndodhej medoemos mes Beth-Shitahut dhe Abel-Meholahut. Nëse është kështu, vendndodhja e saktë nuk dihet.