ZEBADIAHU

[Jehovai dhëntë dhunti].

1. Beniaminit, bir ose pasardhës i Beriahut.​—1Kr 8:1, 15, 16.

2. Beniaminit, bir ose pasardhës i Elpaalit.​—1Kr 8:1, 17, 18.

3. Luftëtar beniaminit që u bashkua me ushtrinë e Davidit në Ziklag; bir i Jerohamit nga Gedori.​—1Kr 12:1, 2, 7.

4. Nip i Joabit dhe kreu i ndarjes ushtarake që shërbente muajin e katërt. Kur në tregim thuhet se ai ishte ‘pas të atit, Asahelit’, ndoshta nënkuptohet se zuri vendin e Asahelit pasi ky u vra. (2Sa 2:23) Ose mund të nënkuptojë që, nëse turnet mujore u organizuan pas vdekjes së Asahelit, Zebadiahu u vu në krye të ndarjes që mbante emrin e Asahelit.​—1Kr 27:1, 7; shih ASAHELI nr. 1.

5. Derëtar i përfshirë në organizimin e shërbimeve levitike nga Davidi; bir i Meshelemiahut, korahit.​—1Kr 26:1, 2.

6. Një nga levitët që Jehozafati dërgoi vitin e tretë të mbretërimit të tij, 934 p.e.s., për të mësuar ligjin e Jehovait në qytetet e Judës.​—2Kr 17:7-9.

7. Prijës i shtëpisë së Judës, bir i Ismaelit; një ndër ata që mbreti Jehozafat caktoi të merreshin me çështjet ligjore.​—2Kr 19:8-11.

8. Kreu i shtëpisë atërore të Shefatiahut. Në vitin 468 p.e.s., Zebadiahu, biri i Mikaelit, bashkë me Ezdrën u priu drejt Jerusalemit 80 burrave të shtëpisë së tij atërore.​—Ezd 8:1, 8.

9. Një nga priftërinjtë e shtëpisë së Imerit dhe një ndër ata që pranuan këshillën e Ezdrës për të prishur martesat me gratë e huaja.​—Ezd 10:19, 20.